Höömspecht
| Helmspecht | ||||||||||||
|---|---|---|---|---|---|---|---|---|---|---|---|---|
Helmspecht (Dryocopus pileatus) | ||||||||||||
| Systematik | ||||||||||||
| ||||||||||||
| Wissnschoftlicha Nama | ||||||||||||
| Dryocopus pileatus | ||||||||||||
| (Linnaeus, 1758) |
Da Höömspecht (dt.: Helmspecht, Dryocopus pileatus, Syn. Hylatomus pileatus) is a Spechtoat aus da Gattung Dryocopus, innahoib von da Untafamülie von de Echtn Specht (Picinae). So, wias ausschaut, san jo da Kaisaspecht und da Öfnbaaspecht ausgstuam, und daunn waarat da Höömspecht, dea wos in Noadamerika fost iwaroi dahaam is, da greßte Specht auf dem Kontinent. Vawaundt is a min paläarktischen Schwoazzspecht. Höömspecht san Hockspecht, se fressn vaschiedane große Omasnoatn und de Loavn vo Käfaoatn, de wos si ins Hoiz einebuahn. Im Großn und Gaunz bleims des Leem laung am sööm Staundoat. Se valossn aa ned im strengst Winta eahna Bruatgebiet. Wiaraa da heimische Schwoazzspecht is da Höömspecht wichtig wegn de Hööhn, wosa hintaloßt. Wäu de wean von an gaunzn Schibbe vo Vegln, owaraa Seigetia und Reptülien gnutzt. A Schmankal: Da Höömspecht woa fian Walter Lantz de Vualog fian Woody Woodpecker, des is a recht a bekaunnte Cartoon-Figua.
Äussares Werkeln
Des Viech is wegn seina Greß, sein schwoazz-weißn Gfries und weg sein rotn Schopfal praktisch ned zum vawexln. Und a seine Lautäußarungan san absolut tipisch.
Höömspecht wean maximal an hoim Meta laung, und mid eahnan Gwicht von 35 Deka sans nua a bißl klaana und leichta ois wia de Schwoazzspecht. Wia bei olle Dryocopus-Oatn san de Weibaln um bis zu 15 Perzent klaana und leichta wia de Mandaln, und des foit bei Vegln von dera Greß scho auf. Waunns sitzn, schaun de Höömspecht ziemlich laung und schlaunk aus, vua oim da Hois kummt an recht dinn vua. De Fedan am Keapa san schwoazz, es gibt nua an weißn Bereich auf und bei de Fligln, dea individuöö vaschiedn groß is. Des Schwoazz geht vo ana stumpfn bis zu ana glänzadn Hoizkoinfoab, und kau, waunns Liacht so eifoit, aa metollisch schimman.
Am Ruckn san de Fedan a wengl hölla und schaun maunchmoi aa grau-schwoazz gscheckat. Eawoxane Specht haum beide, Mandln und Weibal, a Fedanhaum am Schedl, de is leichtend rod und geht hint in an Spitz zsamm. Iwa de Augn haums a schmole schwoazze Augnmaskn mit an weißn Randl om und unt, wobei da untare Raund braada is und weidageht iwan gaunzn Hois bis zu de Fligln.
Da Schnowe is sex Zantimeta laung, des is gaunz schee, om is a dungls schiefagrau, unt is a hölla, da Spitz is dunklgrau bis schwoazz. De Iris von de Augn ist gööboransch.
Litaratua Werkeln
- Evelyn L. Bull, Jerome A. Jackson: Pileated Woodpecker (Dryocopus pileatus). In: The Birds of North America Online (A. Poole, Ed.). Ithaca: Cornell Lab of Ornithology 1995 - BNA 148 / (BNA).
- Evelyn L. Bull, Jerome A. Jackson: Pileated Woodpecker (Dryocopus pileatus). In: The Birds of North America Online (A. Poole, Ed.). Ithaca: Cornell Lab of Ornithology 2011 - BNA 148 / (BNA).
- Factsheet Birdlife international. (engl.)
- David Sibley: Birds of Eastern North America. Christopher Helm-London, 2003, ISBN 0-7136-6657-9, S. 253.
- Hans Winkler, David Christie und David Nurney: Woodpeckers. A Guide to Woodpeckers, Piculets and Wrynecks of the World. Pica Press, Robertsbridge 1995, ISBN 0-395-72043-5.
Im Netz Werkeln
Commons: Dryocopus pileatus – Sammlung vo Buidl, Videos und Audiodateien- Videos, Fotos und Tonaufnohma zu Dryocopus pileatus in da Internet Bird Collection
- Hylatomus pileatus in da Rotn Listn vo de gfäadatn Oatn vo da International Union for Conservation of Nature and Natural Resources (IUCN) 2013.2. Eingestellt von: BirdLife International, 2012. Ogruafen am 2. Februar 2014