Hedvig Charlotta Nordenflycht
Hedvig Charlotta Nordenflycht (* 28. Novemba 1718 z Stockholm; † 29. Juni 1763 Lugnet ba Schloss Skokloster) wor a bedeitende schwedische Dichdarin, Feministin und Salon-Madame.
Ia Voda wor da Beamte Anders Andersson Nordbohm, wo ois Nordenflycht godlt worn is, ia Muada de Christina Rosin. Wei da Untarichtgegnstand vo Deandln za dea Zeid oba vor oim Hausorbat wor, hod se vui glesn und si vor oim in Theologie, Philosophie, Latein und Germanistik sejm weidabuidd.
Anno 1753 is se in de literarische Akademie Tankebyggarorden ("Ordn vo de Gedanknweaka") gwejd worn. Se is a fiarends Mitglied vo da Akademie worn und hod do de Roin vo da Salon-Madame gspuit. Ia Akademie-Nama wor Uranie.
Es wead teiweis ognumm, dass de Nordenflycht an de Foign vo an Freidoudvasuach gstorm is, wo vo iare Freind obgstrittn worn is.[1] De Nordenflycht wor jednfois a recht melancholische Dichdarin, hod iban Freidoud gschriebm und is kuaz noch Bekanntwean vo iare letztn tragischn Valiabtheid in en 20 Joar jingan Dichda Johan Fischerström gstorm. Dea Liab hod se 1762 es Gedicht Över en hyacint ("Iba a Hyazinthn") gwidmet.
De Nordenflycht wor oane vo de easchtn 6 Fraun, wo in de Nationale Schwedische Portrait-Galerie af Schloss Gripsholm afgnumma worn is; zamma mit da Brigitta vo Schweden, da Vendela Skytte, da Barbro Stigsdotter (Svinhufvud), da Sophia Rosenhane und da Sophia Elisabet Brenner.
Beispui
Werkeln- Rune
Schlof sanft in deina finstan Gruft,
Du sejga Staub, vo mia etz gschiedn!
Dei Geist hod do drin Himmesluft
Und en do so vamisstn Friedn.
In siassa Ruah konst dodan liagn,
Nua an ganz kloanan Spoit loss offa.
I wui af Erdn nix mea hoffa,
Ois mi glei an dei Seitn schmiagn.
Auswoi vo Schriftn
Werkeln- 1743 : Den sörjande Turturduvan ("Es trauande Turtldaubal")
- 1744 : Qwinligit Tankespel, av en herdinna i Norden ("Es Gedanknspui vo ana Frau, vo ana Hiatin im Nordn")
- 1744 : Fruentimbers Plikt att upöfwa deras Wett ("De Pflicht vo de Fraun eanan Vastand z braucha")
- 1752 : Våra Försök ("Unsane Ostrengunga"), zamma mit ondan Akademiemitgliedan
- 1761 : Fruntimrens försvar ("Vateidigung vo de Fraun")
- 1762 : Öfwer en hyacinth ("Iba a Hyacinthn")
Literatua
Werkeln- Hedvig Charlotta Nordenflycht, av Hilma Borelius, 1922, Lund.
- Carin Österberg: Svenska kvinnor: Föregångare, nyskapare 1990
- Signum Svenska kulturhistoria: Gustavianska tiden
- A.L. Stjerneld (anonym), Gripsholmgalleriet (Stockholm 1833)
Im Netz
Werkeln
Commons: Hedvig Charlotta Nordenflycht – Sammlung vo Buidl, Videos und Audiodateien- Dikter, porträtt m.m. i Kalliope
- Hedvig Charlotta Nordenflycht, Portal Dagensvisa
- Hedwig Charlotta Nordenflycht: Ausgewählte Dichtungen
Beleg
Werkeln- Hedwig Charlotta Nordenflycht: Skriftar
- Hedwig Charlotta Nordenflycht af sv.dikt.org
- Hedwig Charlotta Nordenflycht: Ausgewählte Dichtungen