Hello Kitty
Hello Kitty (jap. ハローキティ, Harō kiti) is a fiktive Figua vo da japanischen Firma Sanrio, dafundn vo da Designerin Yuko Shimizu. Auf Boarisch hoasst Hello Kitty oafoch „Hallo Katzal“. De Figua is a kloans weiß Katzal, a Weiwal, mit ana roudn Schleifn am linkn Oahwaschl. Hello Kitty is in de letztn Joar zum Kult woan.
Da Nom kimmt vo oana vo de Katzal ausm Buach "Alice hinta de Spiagln" vom Lewis Caroll.
Produkte
De Zuigruppm fia Hello-Kitty-Produkte woan zeascht amoi nua junge Diandl. Oba nochdem Stars wia z. B. Madonna, Paris Hilton und Cameron Diaz Hello-Kitty entdeckt ham, gibts den Produkte aa fia Weiwaleit in jedm Oita. De Produktpalettn geht vo Puppm, Toschna, Handy, T-Shirts bis zum Lemsmiddl.
Heit gibts ebba 22.000 vaschiedne Hello-Kitty-Produktt.
Vibrator-Affär
1997 hod a offiziella Lizenznehma vo Hello Kitty vo Sanrios, de Firma Genyo Co. Ltd., a "vibriarends Schuitamassagegerät" aufn Moarkt brocht. Vatriem is des iwa Spuiwoarngschäft und iwa Restaurants woan. Ebba 1999 san Videos im Internetz auftaucht, de wo des Produkt ois Sexspuizeig (Vibrator) doargstejt ham. Im Handumdraan is des zum Kuitspuizeig fia Eawoxane woan. Sanrio hod des zwoa mitgriagt, hod owa nix dageng mocha kena, wei de Lizenz korrekt woa und des Produkt vo Sanrio sejm freigem woan is.
Aa Sanrio is de Gschicht boid afgfoin, hod oba ned vui dagegn doa kennan. Des Abbarad is vo Sanrio nemli sejba freigem woan, und damid woas a offiziejs Hello-Kitty-Klumpat. Aussadem hod si Genyo gaunz zaach an da teian Lizenz aughoidn. Eascht 2004 wia de Firma Genyo in a Finanzaffär vawicklt und da President vahoft woan is hod Sanrio de Lizenz zruckziang kena.[1] Inzwischn gibts den Vibrator owa wieda.[2][3]
Kritik: Beses Katzal
Im Roman „Hello Kitty muss sterben“ kritisiad de Autorin Angela S. Choi an Vaniadlichungswohn vo da Prosecco-Generation[4].
Beleg
- ↑ Peter Payne: The History of the Hello Kitty Vibrator (Memento des Originals [1] vom 14. Juli 2009 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.. In: Jmate.com
- ↑ http://www.amazon.de/Pocket-Rocket-Hello-Kitty-Vibrator/dp/B0040DDDKW Archivierte Kopie (Memento des Originals [2] vom 8. Jénner 2012 im Internet Archive) Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
- ↑ http://www.freitag.de/alltag/1128-a-z-kinderhelden
- ↑ Böses Kätzchen auf literaturkritik.de
Literatua
- Ken Belson, Brian Bremner: Hello Kitty: The remarkable story of Sanrio and the billion dollar feline phenomenon, Wiley & Sons 2004, ISBN 0-470-82094-2
Im Netz
Commons: Hello Kitty – Sammlung vo Buidl, Videos und Audiodateien