As Hrvatsko Zagorje [ˈzɑːɡɔːrjɛ] (Krowodischs Hochland; za Untascheidung vo ondan Regiona, de emfois ois Zagorje bezeichnd wean, z. B. in Slowenien oda Dalmatien) is a Region und historische Landschaft in Krowotien, neadli vo da Haptstod Zagreb.

Geografie Werkeln

 
As Hrvatsko Zagorje, vo da Buag Veliki Tabor aus gseng (Fruajoar 2008).

As Hrvatsko Zagorje eastreckd se van neadlichn Tei: van Gebiag Medvednica bis za da slowenischn Grenz im Westn, bis zan Fluss Drau bzw. am Gebiet van Međimurje im Noadn und bis zan Prigorje im Ostn.

Ois Zentren van Hrvatsko Zagorje gejtn: Varaždin und Krapina. Seit da Neistruktuariarung vo da modeana, krowodischn Republik is's Zagorje zwischn da Gespanschoft Krapina-Zagorje, mid Siez in Krapina, und da Gespanschoft Varaždin, mid Siez in Varaždin, afteid worn.

Kuitua Werkeln

De Region is bekonnd fia'n kajkavischn Dialekt vo da krowodischn Sproch, wejcha da slowenischn Sproch ehnld. Zentrum vo da kajkavischn Kuitua is Krapina. Jearli finddd duat's Festivaoi vo da kajkavischn Kuitua (Festival kajkavske popevke) stott.

Bricksichtigd ma kuituareje Faktoan, wia etwa de Sproch und sunstige Eihfliss, so kinnt ma aa de krowodische Haptstaod Zagreb sejbsd zan Zagorje zehjn, de geografisch jedoch zan Hrvatsko Prigorje ghead.

Koordinaten: 46° 18′ N, 16° 20′ O