Huber Josef

Der Artikl is im Dialekt Östareichiscch gschriem worn.

Da Huber Josef (aufd Wöid kumma am 1. Meaz 1949 in Schworzoch im Pongau) is a östareichischa Politika vo da SPÖ und Buagamasta-Stöivadreta in da Stod Soizburg.

Noch da Voiksschui in Sankt Johann im Pongau is da Huber in da Stod Soizburg in de Hauptschui gaunga. 1964 hod a daun a Lehr bei de Soizburga Stodwerke augfonga. Nochm Bundesheer hod a im Joa 1969 bei da Östareichischn Post- und Telegrafnvawoitung (ÖPT) zan Orwatn augfonga, im gleichn Joa is a a SPÖ-Mitglied worn.

Im Joa 1972 hod a ois Externist a technische B-Matura gmocht, de richtige Matura hod a donn 1979 an da Hechan Lehronstoit fia Beruafstätige im Zweig Elektrotechnik nochghoid. A Joa spada hod a Politikwissnschoft und Publizistik zan Studiern augfonga. 1986 is a da Chef vo da SPÖ-Sektion im Stodeu Elisabethvorstod worn. Im Joar 1987 hod a sei Studium min Doktatitl ogschlossn.

Vo 1987 bis 1992 is a fia de SPÖ im Gmoarod gsessn und woa duatn im Planungs-, Stodwerke-, Umwöid- und Oidstodausschuss. Noch da Gmoarodswoi 1992 is a Stodrod fia Soziales, Oitasheime und Bauvawoitung wuan; bis dohii hod a nu bei da ÖPT ois Systemspezialist im Richtfunkdienst gorwat.

Noch da Woi 2004 is a Buagamasta-Stöivadreta worn. Zuaständig is a fia de Magistratsobteilung 3 (Sozialomt, Stodjugendomt) und 4 (Oitasheime) gwesn. Außadem is a im Stodsenat, im Aufsichtsrod vo da Untasbergbaun und vom Messezentrum Soizburg, im Sozial- und Jugendausschuss vom Östareichischn Städtebund und im Kuratorium vom SOS-Kindadorf Soizburg ghuckt. Er hod in Vorsitz vom Behindatnbeirod vo da Stod Soizburg, vom Seniornbeirod vo da Stod Soizburg und vom Bezirkssozialhüifebeirod inne ghobt.