Hussitn

De Hussitn (aa Bethlehemitn gnennt) worn a reformatorische und revolutioneare Bewegung im 15. Joarhundat in Behmen. De historische Beweatung is no ned obgschlossa. Es hom woi religiese, soziale und nationale Motive a Roin gspuit. Es hod oba beispuisweis nebm da tschechischn Meaheit aa deitsche Hussitn gebm.

Hussitenpredigt, Gmejde vom Carl Friedrich Lessing, 1832

Da Nama vo de Hussiten geht afn tschechischn Theologn und Reformator Jan Hus (* uma 1370 - † 1415) zruck. Ea hod an Reichtum vo da Katholischn Kiachn kritisiat und hod nua de Bibel ois Instanz fia Glaamsfrogn onakonnt. Damit hod a aa an Martin Luther beeiflusst.

Da Hus is afm Konstanza Konzil trotz da Zuasog vo freim Gleit zan Dod vaurteit und am 6. Juli 1415 vabrennt worn. Des hod zan Afstand, zua behmischn Freiheitsbewegung und za de Hussitnkriag gfiat.

Literatua

• Franz Grundler, Dominik Dorfner: Hussen, Hymnen, Helden, Mythen, Buch & Kunstverlag Oberpfalz, Amberg 2005, ISBN 3-935719-28-0

Im Netz

 Commons: Hussiten – Sammlung vo Buidl, Videos und Audiodateien

• Literatur zu den Hussitn im Katalog der Deutschen Nationalbibliothek