Introd
Introd is a italienische Gmoa in da autonoma Region Aostatoi. De Gmoa zejt 648 Eihwohna (Stond: 31. Dezemba 2013), liegt af ana middlan Häh vo 880 m s.l.m. und hod a Greß vo 20 km². Af Franzesisch wern de Eihwohna Introleins gnennt. In da Frankoprovenzalischn Sproch hoaßn de Monna Le-z-Èntrolèn und e Fraun Le-z-Èntrolèntse.
| Introd | ||
|---|---|---|
|
| |
| Staat | Italien | |
| Region | Aostatoi | |
| Koordinaten | 45° 41′ N, 7° 11′ O | |
| Häh | 880 m s.l.m. | |
| Fläch | 20 km² | |
| Eihwohna | 648 (31. Dez. 2013)[1] | |
| Dichtn | 32 Eihw./km² | |
| Postloatzoi | 11010 | |
| Vorwoi | 0165 | |
| ISTAT-Nummera | 007035 | |
| Voiksbezoachnung | Introleins (frz.) | |
| Schutzpatron | Paulus von Tarsus | |
| Hoamseitn | Introd | |
Introd bsteht aus de Ortstei Bioley, Buillet, Chevrère, Crée, Délliod, Junod, Les Combes, Norat, Plan d'Introd, Tâche, Villes Dessous, Villes Dessus, Orvieille, Arpilles und Parriod.
De Nochboagmoana san: Arvier, Rhêmes-Saint-Georges, Valsavarenche und Villeneuve.
Introd liegt am Zammschluss vo de Bäch Dora di Rhêmes (frz.: Doire de Rhêmes) und Savara. Da Noma Introd soi ausm Lateinischn: Inter aquas[2] und ausm franzesischn "Entre [les] eaux" (zwischn de Wossa) kemma. De Gmoa liegt am Eihgong vom Nationoipark Paradiso.
Weahnd da Zeid vom Faschismus hods Doaf an italianisiatn Noma Introdo trong.
Im Summa hom de Päpst Johannes Paul II. und Benedikt XVI. an Tei vo de Summaferien im Ortstei Les Combes vabrocht.
Midm Weinguat Lo Triolet bsitzt Introd außadem oans vo de Aushängeschuida vom Weinbau im Aostatoi.
Beleg Werkeln
- ↑ Statistiche demografiche ISTAT. Monatliche Bevölkerungsstatistiken des Istituto Nazionale di Statistica, Stand 31. Dezember 2013.
- ↑ Vallée d'Aoste autrefois, recueil d'ouvrages de Robert Berton, 1981, Sagep éd., Genua.