J-Rock
| Der Artikl is im Dialekt Soizkaumaguadlarisch gschriem worn. |
J-Rock (Japanese Rock Music oda Japan Rock) is a in Japan geleifige Bezeichnung fia d'einheimische Rockmusik.
Da Begriff
WerkelnAussahoib vo Asien wiad unta J-Rock/J-Pop meistns ois zaumgfosst, wos vo moderna japanischa Musi Eiropa und Amerika erreicht hod. A kloare Obgrenzung vo de Begriff is deswegn schwer.
S'Klaungrepatoi vo vui japanische Bands is, im Vagleich zu de eiropeischn, oft gressa und wiad elektrisch zaumgfiaht.
Gschicht
WerkelnNem an traditionelln Enka (Schloger-Balladn, midn Ursprung in da spätn Meiji-Zeid (19. Joahundat)) dea wos meistns bei de ödan Leid beliebt is, hod se untam Einfluss vo de westlichn Musikgruppn d'moderne japanische Musi Kayokyoku, in neie Richtungen entwückit. Impulse san dabei nochm Zwoatn Wödkriag beispuisweis vom Dylan Bob, vom Hendrix Jimi und von de Rolling Stoneskema, owa aa von de Pioniere vo da elektrischn Musi. Inahoib vo dera modernen Musi gibts a de voaschiednstn Spoatn, de se wiederum unta J-Rock und J-Pop zaumfossn lossn.
Visual Kei
WerkelnVisual Kei is a Stilrichtung vo da meistns japanischn Independent-Szene und is dort mid Bands wia X Japan, D'espairsRay und Dir en grey populär gmocht worn.
Im V-Kei gibts koan festn Look, der wos de Künstla bei eanam Ausschaun Grenzn setzt – erlaubt is, wos oan gfoid. De voaschiednstn modischn Elemente wia Punk, New Romantic und Gothic, owa a Schuluniformen und Fantasiekostüme wern mideinaund kombinierd, so dass aus dem eignständige Stile ensteh kinan(z. B. „Elegant Gothic Lolita“ oda „Elegant Gothic Aristocrat“). Meistns trong de iwawiegnd männlichn Musika a androgynes Outfit, es gibt owa a Crossdressing.
Visual Kei is ned statisch, sondern duad se mid an jedn Auftritt vaändan. De Musiker dan a gern fiktive Datn und Biografien augem um eana undurchschaubors Image aufrecht z'hoidn.