Jaguarkriaga
De Jaguarkriaga (auf Nahuatl: Ocēlōtl) woa a Ordn vo Kriagan vo de Azteken. Des woan Beruafssoidotn und Eliteoaheitn, de wo imma an voadasta Front kämpft hom. Nem de Jaguarkriaga hods aa no de Odlakriaga (Nahuatl: cuāuhtli) ois Kriagaordn gem.
Des Totem vo de Jaguarkriaga woa da Mond und damit de Nocht. Des vo de Odlakriaga de Sun. De Jaguarkriaga hod ma scho vo weitn dakennt, weis auffällig gschmickt und ozong woan. Oft homs aa s Fej vo am Jaguar trong.
Damit ma im Ordn vo de Jaguarkriaga aufgnomma wean hod kena, hod ma mindastns via Feinde wearend oana Schlocht gfonga nehma miassn. Des Gfonganehma woa bei de Azteken vui heha ogseng ois wia s Umbringa vo Gegnan am Schlochtfejd. Wei ma de Gfonganan nacha feialich dena Gettan opfan hod kena.
Literatua
Werkeln- Ross Hassig: Aztec Warfare. Imperial Expansion and Political Control. University of Oklahoma Press, Norman 1988, ISBN 0-8061-2121-1