Judntum in Wean

Der Artikl is im Dialekt Weanarisch gschriem worn.

Des Judntum in Wean is seitn 12. Joarhundad nochweisboa. Am End vom 19. und am Aufaung vom 20. Joarhundad is Wean aans vo de großn Zentren von da jiddischn Kuitua in Eiropa gwesn.

Da Stodtempe vo innan (de Hauptsynagogn vo Wean)

In da Nazizeid is de jiddische Bevökarung vo Wean fost voiständig vatriem oda umbrochd wuan. Heit is de jiddische Kuitua in Wean wieda a wengl meah präsent.

Gschicht

De Existenz vo Judn in Wean is seit 1194 nochweisboa. Da easchte min sein Nauman bekaunnte Jud woa da Schlom oda Schlomo, dea wos bis zu seina Eamoadung 1197 Münzmaasta vo de Herzög Leopold V. und Friedrich I. woa und dea wos u. a. a des Lösegöd fian Richard Löwenherz vawoited hod. Ob ziaka 1250 hod daun de Besiedlung vom heitign Judnplozz ois „Weana Judnstod“ aungfaungd. Vom 13- bis zum 15. Joarhundad woa des es Zentrum vom Weana Judntum. Eirichtungan vo da Gmoa, wia de Synagogn, de Spitoi und da Fleischhof san seitn 14. Joarhundad nochgwiesn. Im Weana Stodrecht hods fia Streitarein zwischn Kristn und Judn an eiganen Judnrichta gem. 1420 - 1421 san de Weana Judn in da Weana Gesera vatriem und higricht wuan oda se hom in da Synagogn Söbstmoad begaungen.

Synagogn

In Wean hods insgesomd amoi 93 Synagogn gem. De aanzige Synagogn, wöche de Nazizeid iwastaundn hod, is da Stodtempe, dea wos de Hauptsynagogn vo Wean is. Inzwischn gibds owa wieda a boa neiche Synagogn.

Literatua

• Michaela Feurstein, Gerhard Milchram: Jüdisches Wien. Mandelbaum, Wean 2007, ISBN 978-3-85476-225-6.
• Felicitas Heimann-Jelinek; Gabriele Kohlbauer-Fritz (Red.): Jüdischer Stadtplan Wien. Einst und jetzt. Stadtplan. Hrsg.: Jüdisches Museum der Stadt Wien. Freytag-Berndt und Artaria, Wean 1993.
• János Kalmár, Alfred Stalzer: Das Jüdische Wien. Pichler, Wean 2000, ISBN 3-85058-182-9.
• Kurt Schubert: Die Geschichte des österreichischen Judentums. Böhlau, Wean/Köln/Weimar 2008, ISBN 978-3-205-77700-7.

Im Netz

 Commons: Judntum in Wean – Sammlung vo Buidl, Videos und Audiodateien

• Gedenk- und Aufklärungsorweid vo da Stod Wean
• Martha Keil: Geschichte der Juden in Wien