Der Artikl is im Dialekt Weanarisch gschriem worn.

Da Karl-Wrba-Hof is a Gemeindebau in Wean-Favoritn, und zwoa zwisch'n da Sahulkastråß'n, da Neilreichgåss'n und da Sibeliusstråß'n. Auf da Ostseit'n sa Klaagäat'n, de wo bis zua Laxenburgerstråß'n gehngan.

Ana von de Innanhöf'
De typisch'n Terrass'n

Da Bau steht im digital'n Kulturgüterkataster der Stadt Wien.

G'schicht' und Bau Werkeln

Da Karl-Wrba-Hof is in de Joahr 1972–1982 baut wua'n und håt 1.048 Wauhnungan. Benaunnt is a nåch'n laungjäahrich'n Beziaksvuasteha von Favoritn, in Karl Wrba (1900–1973), wua'n. Bis zum Joahr 1972 is duat'n a Klaagoat'nsiedlung g'wes'n.

Da Hof håt 35 Stiag'n mit bis zu åcht Stockweak'. De Wauhnungan hau'm ungefäah 80 m², in eahna leb'n 3.028 Leit' (Staund vom 31. Dezemba 2006).

A große Zoi von Flåchbaut'n (b'sundas in de Innanhöf'), Balkauna und Terrass'n und dazua de senffoabanan Eternitfassad'n sa typisch füa den Bau (drum hau'm de Leit aa „Senftbaut'n“ zu eahna g'sågt). Dazwisch'n san Duachgäng', Gåss'n, Stiag'n und Raump'n, de wo de Vabindungsweg' füa de anzalnan Teu von da Aulåg san.

Insgesaumt san åcht Architekt'n beim Bau beteulicht g'wes'n,

Öffentliche Eirichtungan Werkeln

Im Hof gibt's Äazte, an Supamoakt, a Tåbåk-Trafik, zwaa Lokäla, an Frisiasalaun, a Voiksschui mit an groß'n Spuatplåtz, zwaa Kindatågesheim' mit Goat'n und Spüiplätz'. Dazua gibt's aa no öffentliche Kindaspüiplätz' und an Spuatplåtz extra.

Üwa de Stråß'nbauhnlinie 11 und de Buslinie 66A is de U-Bauhn U1 g'schwind zum darreich'n.

im Netz Werkeln

  Commons: Karl-Wrba-Hof – Sammlung vo Buidl, Videos und Audiodateien


Koordinaten: 48° 9′ 47″ N, 16° 21′ 53″ O