Kitaa
Kitaa/Vestgrønland (Westgrönland) woa bis 2009 oana vo de drei Vawoitungsbeziake (amt) vo Grönland. Es wohna fosd 90 % vo da gsomdn Bevejkarung af diesm Gebiet. Da Vawoitungssiez woa de grönländische Haptstod, Nuuk.
Im Westn hod's on de Baffin Bay, Davisstroß, Labradorsää und'n Noadatlantik grenzd. Im Ostn is da Beziak Tunu gleng, und im Noadn da Beziak Avanersuaq.
Olle aussa drei vo de z'letzd 18 und uaspringli 19 grönländischn Gmoana san in Westgrönland gleng. Diese uaspringli 16 westgrönländischn Gmoana san olle om 18. Novemba 1950 eihgrichdd worn. Des woan, vo Sidn noch Noadn:
- Gmoa Nanortalik
- Gmoa Qaqortoq
- Gmoa Narsaq
- Gmoa Ivittuut
- Gmoa Paamiut
- Gmoa Nuuk
- Gmoa Maniitsoq
- Gmoa Sisimiut
- Gmoa Kangaatsiaq
- Gmoa Aasiaat
- Gmoa Qasigiannguit
- Gmoa Ilulissat
- Gmoa Qeqertarsuaq
- Gmoa Vaigat (1972 weng Obsiedlung noch Qeqertarsuaq eihgliedad)
- Gmoa Uummannaq
- Gmoa Upernavik
Mid Wiaksomkeit 1. Jenna 2009 san im Zug vo ana umfossndn Vawoitungsreform de bishearing Gmoana und Beziake duach de via Großkommuna: Qeqqata Kommunia, Kommuneqarfik Sermersooq, Qaasuitsup Kommunia und Kommune Kujalleq easetzd worn.