Knäckebrod

Knäckebrod (Loanwoat ausm schwedischn knäckebröd von knäcka, „knackn“) is a flochs, moast aus Voikoandroad gmochds Brod. As Käckebrod kimmt uaspringle aus Schwedn und losst si bis ins Joar 500 n.Chr. zruckvafoign.

Runds Knäckebrod - hod in Schwedn Tradition.

Rechteckigs Knäckebrod - is typisch fia Bayern und Östareich.

Heastejung

S Knäckebrod wead ganz kuaz und ganz hoass bocha und nacha drickat. So enthoids fost koa Wossa mea (weniga ois 10 %). Deswegn is so knusprig und ba drockana Logarung ziemli lang hoidbor. S Knäckebrod ko ma dahea af Vorrot mocha, wo in friarane Zeitn wichtig woa, wei de Kosaviarung vo Lebmsmiddl problematisch woa. Knäckebrod wead aus Roggnschrot, feingmolanan Roggn- und Woaznmej, Soiz und Wossa heagstejt.

Oartn

Nochm Vafoarn vo da Doaglockarung untascheidd ma zwoa Oartn vo Knäckebrod:

• Koidbrod: De Lockarung wead duach Koidluft vauasocht. Da Doag wead af fost 0 °C obkiht und duach Eischlogn vo koida Luft glockat.
• Woarmbrod: De Lockarung wead duach Geam vauasocht.

Im Netz

 Commons: Knäckebrod – Sammlung vo Buidl, Videos und Audiodateien