Kommunoiwoin in Baiern 2014

De allgmeina Gmoa- und Landkroaswoin (Kommunoiwoin) in Baiern 2014 ham am 16. März 2014 stattgfundn, notwendige Stichwoin fia Bürgamoasta- und Landrodswoin san am 30. März 2014 duachgfiat worn, so zum Beispui in Erlanga, Minga, Rengschbuag und Würzbuag. Da Termin is duach de Boarische Staatsregierung festgsetzt worn. Insgsamt san in 25 kreisfreie Städt und 71 Landkroas mit mehr ois 2000 Gmoa knapp 40.000 Mandatsträga nei bstimmt worn.

Woientscheidunga Werkeln

Gmäß da Vawoitungsgliedarung vo Baiern werd bei da Woi de Zammasetzung vo de Kommunoiparlamente sowoi vo da untarn ois oo vo da obarn kommunoin Ebne (oiso de Gmoa-/Stodträt wia aa de Kroasdog) bstimmt. In de 2031 kroasoghearign Städt und Gmoa mit rund 70 Prozent vo de boarischn Stimmberechtigtn gschieht des duach getrennte Woivoagäng. In de 25 kroasfrein boarischn Städt foin beide Ebnen zamm, do wern deshoib nua de Stodträt gwejt. Insgsamt wern am Woidog mehr ois 32.000 Mandate in Stodt- oda Gmoarät und rund 4400 Kroasdogsmandate vagebn. Am 16. März bstimmtn de Wähla in kreisoghearige Gmoa zudem den Bürgamoasta bzw. Obabürgamoasta und den Landrot, in kreisfreie Städt den Obabürgamoasta. Do ham de Woin ned in olle Kommunan und Kroas stottgfundn, wei de Amtszeit vo Bürgamoasta und Landrät ned immer zeitgleich mit de allgmeina Kommunoiwoin gendt ham. So san in sechs vo de 25 kroasfrein Städt (Aschaffabuag, Bambeag, Bayreith, Hof (Saale), Landshuat, Memminga) de Obabürgamoasta an dem Dog ned zua Woi, ebnso entfuiln in 13 vo de 71 Landkroas de Landrotswoin und in 168 kroasoghearige Gmoa de Bürgamoastawoin.

Neiarunga fia de Kommunoiwoi 2014 Werkeln

Im Februar 2012 san vom Boarischn Landdog manche Ändarunga am Gmoa- und Landkroaswoigsetz bschlossn worn, de zua Kommunoiwoi 2014 erstmois gejtn:

  • Woiberechtigt war jeda EU-Bürga, der des 18. Lebnsjoahr voiendt hot und sei mindastns zwoa (vormois: drei) Monat im Woikroas gwohnt hot.
  • De Briafwoi is wesantle erleichtart worn, indem aaf die Angab vo Gründ vazichtet worn is. Zuvoa hot, um per Briafwoi wejn zum kenna, glaubhaft gmacht wern miassn, dass ma am Woidog vahindart is.
  • A wichtige Ändarung war da Wegfoi vom sognanntn "Schwerpunkt vo de Lebensbeziehunga". Bisher war nua wählbar, wer im Woikroas seit mindastns sechs Monat den Schwerpunkt vo da Lebnashoitung ghabt hot. De Klausl is glockart worn, wählbar war jetzat, wer mindastens drei Monat im Woikroas a Wohnung hot, de ned de Hauptwohnung sei muass, oda wer se – ohne a Wohnung zum habn – im Woikroas gweahnle aufhoit. Wählbor ois Gmoa-, Stodt- und Kroasrot warn neba deitschn Staatsbürgarn aa EU-Bürga, olladings ned ois Bürgamoasta und Landrot.
  • Bewerba ham bereits mit 18 Joahr ois Landrot oda Bürgamoasta kandidiern kenna. Bisher is de Oitarsgrenz bei 21. gleng.
  • De Siatzvageilung fia de kommunoin Beschlussgremien (Stodt- bzw. Gmoarot, Kreisdog) erfoigte 2014 erstmois noch dem Proporzvafahrn Hare-Niemeyer. Zuvoa hot des Heachstzoihlnvafarn noch D'Hondt, des kloanare Partein und Wählagruppn gegaiaba greaßaren benochteiligt hot goitn.
  • Nei eigführt worn is aa, dass a gweijte Person des Amt ohne Angab vo Gründt oblehna bzw. niedaleng konn. De allgmeine Pflicht zua Übernahme vo Ehrnämta (Art. 19 vo da Boarischn Gmoaordnung, Art. 13 von da Boarischn Landkroasordnung) guit fia kommunoie Wahl-Ehrnämta gmäß Art. 47 Abs. 1 Satz 3 vom Gmoa- und Landkroaswahlgsetz ned mehr.