Kredenbach (Esselbach)
Kredenbach is a Ortstei vo da boarischn Gmoa Esselbach im untafränkischn Landkroas Moa-Spessart. Da Ort liegd in da Planungsregion Wiazburg.
Kredenbach Gmoa Esselbach Koordinaten: 49° 51′ 4″ N, 9° 31′ 58″ O
| |
|---|---|
| Höhe: | 300 m ü. NN |
| Einwohner: | 728 (2023)[1] |
| Eingemeindung: | 1. Mai 1978 |
| Postleitzahl: | 97839 |
| Vorwahl: | 09394 |
Geografie Werkeln
Log Werkeln
Des Doaf befindt se im sidestlichn Spessart an da Stootsstroß 2312 (ehemolige Bundesstroß 8). Da topographisch hechste Punkt vom Oatstei befindet si auf 378 m ü. NN (Log[2]) om Bärnroth, da niedrigste liagt im Wachenbach auf 243 m ü. NN (Log[3]).
Nochbargemarkunga Werkeln
Nochbargemarkunga im Uahzoagasinn im Noadn ofongnd san Steinmark, on oam Punkt Hafenlohr, Marienbrunn, Glasofen, Altfeld, Michelrieth und Esselbach.
Gewässa Werkeln
Om nerdlichn Rond vo da Gemarkung fliaßt da Esselbach in an Wachenbach.
Gschicht Werkeln
Kredenbach hod Bedeitung duach de Hondlsstroß vo Wean noch Amsterdam ealongt und im Ort hod se de Postkutschnstej und späta des Postomt Esselbach bedundn, des fia de Reisndn gleichzeitig Heabeage und Roßauswechslstej woar.
Do hod aa scho des Gebiet vo de Spessartraiba ogfonga und etwos noadwestli steht no das Wirtshaus im Spessart.
Kredenbach is duach des Zwoate Gmoaedikt am 17. Mai 1818 a eingständige Gmoa gewoadn.
Im Joar 1862 is des Bezirksomt Marktheidenfeld buidt worn, auf dessn Vawoitungsgebiet Kredenbach gleng is.
Kredenbach woar 1939 oane vo de 47 Gmoana im Landkroas Marktheidenfeld (Kfz-Kennzeichn MAR). Mid da Auflesung vom Landkroas Marktheidenfeld im Joar 1972 is Kredenbach in an nei buidtn Landkroas Moa-Spessart (Kfz-Kennzeichn KAR, ob 1979 MSP) kema.
Seit da Gmoareform, de am 1. Mai 1978 wirksom worn is, gheat Kredenbach zu Esselbach.[4]
Kredenbach hod zuam Stond vo 2023 a Eihwohnazoih vo 728[1] ghod.
Religion Werkeln
Gepforrt is des Doaf zua evangelischn Kiachgmoa Michelrieth, wo se aa de Kiach und da Friedhof befindn.
Beleg Werkeln
- ↑ 1,0 1,1 Esselbach in Zahlen – Gemeinde Esselbach. Gemeinde Esselbach. Obgruafa om 10. Oktoba 2023. Archiviert om 10. Oktoba 2023.
- ↑ Rechtsklick auf Middlpunkt vom Kreiz auf topografischa Kartn vom BayernAtlas
- ↑ Rechtsklick auf Middlpunkt vom Kreiz auf topografischa Kartn vom BayernAtlas
- ↑ Statistisches Bundesamt (Hrsg.): Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982. W. Kohlhammer GmbH, Stuttgart und Mainz 1983, ISBN 3-17-003263-1, S. 763.