Lackl
A Lackl, bdt. Lackel, is a unghobeda, groba Mensch oda a groußa, a weng unbehoifana Schlax.[1]
Im easchtan Foi is a Schimpfwoat, im zwoaten eha neitral gmoant. Ois Kroftlackl weads heit sogor aa positiv vawendt.
Laut Schmeller kimmt des Woat ausn Franzesischn. Da General Ezéchiel de Mélac (1630-1704) soi a groba, rabiata Mensch gwen sei, dea wo u. a. aa de Pfoiz vawiast hot. Aus Melackl soi si nacha Lackl entwicklt ham.
Variantn Werkeln
Bauanlackl, gscheada Lackl, langa Lackl, Kroftlackl, Mistlackl, Moadslackl, Quadratlackl
Beispui Werkeln
„Jo, mia san und bleibn Lackl
Ressa hamma, Sai und Fackl,
Goas und Lampl, Schof und Hammi —
hoits nua zsamm, ees gscheadn Rammi.“– Georg Queri, Kraftbayerisch
„A Pudl is koa Dackl, a Gentleman is koa Lackl,
A Lackl is koa Gentleman, a schnella Brüta is koa Legehehn...“– Biermösl Blosn, Wellcome to Bavaria!
„Da Pfoarra vo Steyr
hod gläsane Eia,
des mocht a Spektakl
wann a pudat dea Lackl.“– Gstanzl