Legnago

Legnago [leɲˈɲaːɡo] is a Stod mid 25.351 Eihwohna (Stond: 31. Dezemba 2015) in da Provinz Verona, Region Venezien in Italien.

Legnago
	Legnago (Italien)
Staat	Italien
Region	Venezien
Provinz	Verona (VR)
Lokala Nam	Legnago
Koordinaten	45° 12′ N, 11° 18′ O45.211.316
Häh	16 m s.l.m.
Fläch	79,66 km²
Eihwohna	25.351 (31. Dez. 2015)
Dichtn	318 Eihw./km²
Postloatzoi	37045, 37040 frazioni
Vorwoi	0442
ISTAT-Nummera	023044
Voiksbezoachnung	Legnaghesi
Schutzpatron	San Martino
Hoamseitn	Legnago

Legnago liegd uma 39 km vo Verona entfeand im Sidn vo da gleinaming Provinz am rechtn Ufa vo da Etsch (italienisch: Adige). De Fläch vo da Ortschoft bedrogd 79,66 km² und de Eihwohnadichte 317 Eihwohna/km². Da Schutzpatron vo da Stod is Sankt Martin.

Gschicht

Seit'm 10. Joarhundad hod a Befestigungsolog existiad, de a wichtige Roi in de Kämpf weahnd da Grindung vo da Republik Venedig gspuid hod.

Im Klosta Vangadizza im gleinaming Ortstei vo Legnago is 1097 Alberto Azzo II. d’Este, da Stommvoda vo de jingan Wejfn und da Famij Este, begrom worn.

Legnago 1866

Unta östareichischa Herrschoft woa da Ort Tei van obaitalienischn Festungsviaeck (italienisch: Quadrilatero), wos 1815 za da Vateidigung vo da Lombardei in de Orte: Peschiera, Mantova (Mantua), Legnago und Verona earichdd worn is. Im Zug van Deitschn Kriag 1866, in dem Italien af da Seit vo Breissn gstondn is, san diese Orte mid Venezien on Italien gfoin.

Weahnd van Zwoatn Wejdkriag is de Stod massiv bombardiad worn, dohea is's heitige Stodbuid rejativ modean.

Vakeah

Legnago is duach vaschiedne Landstroßn guad mid de Nochboaorte in da Po-Ebane vabundn. Im Umkroas vo uma 30 Kilometa bfindn se de Autobohna: A22, A4, A31, A13 und A14. Om Bohhof vakeahn Regionoiziig unta ondam noch: Verona, Rovigo und Mantua. Ba Legnago bfindd se a Flugplotz fia de Oigmoane Luftfoaht. De näxdglengne Vakeahsflughäfn san: Verona, Venedig und Bologna.

Kuitua

A briahmda Suhn vo da Stod is da Komponist Antonio Salieri (1750–1825), za dessn hundadsdn Doudsdog 1925 as Teatro Salieri eihgweihd worn is. Seit'm Joar 2000 findd in Legnago in unreglmeßing Obstond as Festivoi Antonio Salieri stott, wos se'm Schoffn van Komponist widmed. Es zeichnd se voa oim duach modeane Easchtaffiahrunga vo Salieri-Opern aus, de seit dessn Lebzeidn ned meah gspuid worn san, drunta: L’amore innocente (2000), Il ricco d’un giorno (2004) und Il mondo alla rovescia (2009).

Berihmtheitn

• Antonio Salieri (1750–1825), italienisch-östareichischa Komponist
• Placido Zurla (1769–1834), Generoiabt vo de Kamaldulens, Kardinoivikar in Rom
• Aldo Finzi (1891–1944), Motoaradlrennfoahra, Offizia, faschistischa Politika jidischa Heakunft, Owoit, SpoatPolitika und Widastondskempfa
• Pierluigi Cera (* 1941), Fußboispuia
• Paolo Ruberti (* 1975), Autorennfoahra
• Massimo Rossi (1992–2016), italienisch-deitscha Motoabootspoatla

Im Netz

 Commons: Legnago – Sammlung vo Buidl, Videos und Audiodateien

• Teatro Salieri (italienisch)