Liachtstraum

Da Liachtstraum Φ (dt. Lichtstrom) is de gsaumte, vo ana Liachtquöön ohgebane Liachtleistung, de wos mia Menschn sehngan. De Eiheit vom Liachtstraum is Lumen. [Φ] = lm.

Da Liachtstraum is a Moß fia de Leistungsfähigkeit vo ana Laumpn.

$\Phi =I\cdot \Omega$

mit:

• Φ ... Liachtstraum [lm]
• I ... Liachtstärkn [cd]
• Ω ... Raumwingl [sr]

Da Liachtstraum hängt ned nua vo da Strohlungsleistung und da Foab vo dem Liacht oh, wäus jo ums Helligkeitsempfindn vom Menschn geht. Unds Aug is in ana dunkln Umgebung (Nochtsehn) vü empfindlicha ois in ana höön Umgebung (Togsehn). Des wiad iwa untaschiedliche Werte fias photometrische Strahlungsäquivalent brücksichtigt:

• fia fotopisches Sehn (Togsehn): $K_{m}=683\ \mathrm {\frac {lm}{W}}$ bei ana Wöönläng vo 555 nm, oiso grea
• fia skotopisches Sehn (Nochtsehn): $K_{m}=1725\ \mathrm {\frac {lm}{W}}$ bei ana Wöönläng vo 505 nm, oiso blaugrea

Umrechnung aus da Strohlungleistung

Im oafachstn Foi hod ma a greans Liacht, do kriagt ma fia oa Watt Strohlungsleistung an Liachtstraum vo 683 Lumen. Bei olle aundan Foabm is weniga, entsprechend vo da Empfindlichkeitsvateilung vom Aug. Fiara beliebige Mischung muass ma an Leistungsauntäu vo jeda Foab mit seina Sehempfindlichkeit varechna, daun olle Auntäu aufsummian unds Eagebnis mit de 683 Lumen/Watt multiplizian. Mathematisch korrekt is des koa Aufsummian, sundan a Integratiaun:

$\Phi =K_{m}\cdot \int _{0}^{\infty }{\frac {\mathrm {d} \Phi _{e}(\lambda )}{\mathrm {d} \lambda }}\cdot V(\lambda )\mathrm {d} \lambda$

dobei bschreibt de Funktion $\Phi _{e}(\lambda )$ de Vatäulung vo da Strohlungsleistung (in Watt) iwa de Wöönläng (in nm),

de Funktion $V(\lambda )$ bschreibt de Empfindlichkeitsvatäulung vom Aug fia vaschiedne Foabm. Beim Togsehn hod de Funktiaun ihr Maximum vo Oans bei 555 nm. Bei Wöönlängan aussahoib vom sichtboan Bereich hod de Funktiaun Werte vo Nui.

Schau aa

• Optik
• Beleichtungsstärkn
• Leichtdichtn
• Oaphasnwechslstraum (umgaungssprochli aa Liachtstraum gnaunt - im Untaschied zan Kroftstraum)