Lyra (Glocknspui)
De Lyra, aa Glocknspui-Lyra, is a Melodieinstrument vo Marschkapejn und schaut in da Form a wengal so aus wiar a griachische Lyra. Stott Saitn hod de Glocknspui-Lyra oba 25 bis 27 woogrechte Klangplattn aus Metoi, de wos mit am Hortgummi-, Hoiz- oda Kunststoff-Schlägl ogschlogn wean. De Bass-Lyren hom in da Regl nua 22 Klangplattn.
Auf beidn Seitn hod de Glocknspui-Lyra oft Rosschwoaf hänga, de wos auf an Einfluss von da tiakischn Janitscharenmusi auf de boarische Militärmusi zoagn. Am oban Endstickl is meistn a no a Adler aufgschraubt.
Duach de hohe Stimmung wiakt de Glocknspui-Lyra sehr ausdrucksstork, bsundas aa im Zammaklang mit da Piccolofletn.