Der Artikl is im Dialekt Sidtiroularisch gschriem worn.

Dr Magdalener (deitsch: St. Magdalener; ital.: Santa Maddalena) isch a leichter, fruchtiger Roatwein, der im Anbaugebiet Magdalena in Sidtiroul aus dr Vernatschtraubn gmåcht wert. Um an richtign Magdalener zu kriagn wert in de Vernatschtraubn a no 5 Prozent Lagreintraubn enthåltn, de dånn zommen gekeltert werdn. Wegn en hoaßn Klima im Bozner Kessl und'n Ånteil von Lagrein isch dr Magdalener voller und intensiver wia die åndern Vernatschweine aus Sidtiroul (z. B. dr Kolterer Sea Auslese).

Weingiatr von Magdalena bei Bozn mit Justina und'n Rosengårtn im Hintergrund

Weine, de aus di urspringlichn Ånbaugebiate Magdalena, Justina, St. Peter, Rentsch und Leitach (ålls sunnseitge Heng um Bozn) kemmen, derfn „Klassischer“ (ital.: Classico) verwenden. S gsåmte Unbaugebiat umfåsst bei di 286 Hektar.