Malmöhus län

Malmöhus län woa vo 1661 bis 1997 a schwedische Provinz (län) in da historischn Provinz Schonen (schwed.: Skåne). Se is zamm mid Kristianstads län in da Provinz Skåne län afgonga.

As Woppn vo da ehemoling Provinz

De friahan Provinzn Malmöhus län und Kristianstads län. Se san 1997 zua neien Provinz Skåne län zammgschlossn worn.

Gschicht

Malmöhus län (dän.: Malmøhus Len) is 1526, weahnd da dänischn Zeid, entstondn. Des woa jedoch kloana ois's spadane schwedische Län. Uma 1540 is de Provinz Lindholm Len (schwed.: Lindholmens län) in Malmöhus län afgonga. 1669 is's nunmeah schwedische Malmöhus län mid de domoling Provinzn Helsingborgs län und Landskrona län vaoanigt worn und hod sei Form bis 1997 behoitn. De Residenzstod vo da Provinz woa Malmö. Da Länsbuachstob „M“ fia Malmöhus län is fia de Provinz Skåne län iwanumma worn.

Administrative Eihteiung

Noch da letztn Kommunoirefoam om 1. Jenna 1977 hom foingde Gmoana zua Provinz ghead:

Bjuv Burlöv Eslöv Helsingborg Höganäs Hörby Höör

Kävlinge Landskrona Lomma Lund Malmö Sjöbo Skurup

Staffanstorp Svalöv Svedala Trelleborg Vellinge Ystad

Im Netz

• Lexikoneihdrog im Nordisk familjebok (1876–1926) (schwedisch)