Middlmeea

(Weidagloadt vo Mittlmea)

As Middlmeea (Mittelmeer) (lateinisch : Mare Mediterraneum), is a Meea zwischn Eiropa, Afrika und Asien. Im Arabischn und Tiakischn weads aa ois „s weiße Meea“ (البحر الأبيض‎ / al-baḥr al-abyaḍ bzw. tiak. Akdeniz ) gnennt.

s Middlmeea

Zamm mit de drin liegandn Insln und de Uafaregiona vo Sideiropa, Vordaasien und Nordafrika buidd as Middlmeea an Middlmeearaum, dea wo a oagnas Klima hod und vo oana oagnan Flora und Fauna pregt is.

Eadkund Werkeln

As Middlmeea hod a Fläch vo 2,5 Mio. km², da Rauminhoid is 4,3 Mio. km³. Im Calypsotiaf hods a maximale Tiafn vo 5.267 m.

Geologie Werkeln

As Middlmeea is a Ibarest vo da Tethys, am Urozian wo iba de ganze Wejd greicht hod und uaspringle an Urkontinent Pangäa umschlossn hod. Wias Pangäa ausanandagrissn hod und drauf de Afrikanische Plottn af Nordn gwandat is, is so s Middlmeea buidd worn.

Vor eppa 7 Milliona Joar is s Middlmeea voistendi ausdrickat, wei da Meearesspiagl wegn ana Eiszeit um eppa 50 Meta gsunkn is.[1] Dees Gebiet is za ana Soizwiastn worn (riesigs Soizlogastettn liegn heit no am Meearesgrund vom Middlmeea). Eascht a poa tausend Joar spada is s Middlmeea duachn Atlantik wieda afgfiit worn.

Klimawandl Werkeln

As Middlmeea is vo da globaln Eaweamung stoark betroffa. So hom Forscha seit Mitte vom 20. Joarhundat an Ostieg vom Meearesspiagl festgstejt. Dea Ostieg hod si ob de 1970a Joar weida beschleinigt und liegt zua Zeit ba 2,5 bis 10 mm pro Joar. De Wossatemperatur is ebmfois signifikant ogstiegn.[2]

Beleg Werkeln

  1. FAQ zur Geographie Europas
  2. „Warning on rising Med Sea levels“ (BBC-News am 19. Jenna 2007, englisch)

Literatua Werkeln

  • Robert Hofrichter: Das Mittelmeer, Bd. 1: Allgemeiner Teil. Spektrum Akademischer Verlag, 2002, ISBN 3-8274-1050-9.
  • Robert Hofrichter: Das Mittelmeer, Bd. 2/2: Bestimmungsführer. Spektrum Akademischer Verlag, März 2006, ISBN 3-8274-1170-X.
  • Manfred Leier: Weltatlas der Ozeane – mit den Tiefenkarten der Weltmeere. Frederking und Thaler, Minga 2001, ISBN 3-89405-441-7, S. 226–241.

Im Netz Werkeln

  Commons: Middlmeea – Sammlung vo Buidl, Videos und Audiodateien

Koordinaten: 35° N, 18° O