Moasta

Moasta (vo lat.: Magister fia "Leahra", dt.: Meister, engl.: „Master“ bzw. „Master craftsman“, aa: „Foreman craftsman“) is a Titl, wo fia a hähare Qualifikation steht. Des ko si af a Handweak beziang, af an ondan Beruaf, af an Buidungsgrad, af an Spoat und so weida.

A Dischlamoasta und sei Weak, a gloans Kastl

De Qualifikation muass moast duach an Schuiobschluss nochgwiesn wean, im Spoat doduach, doss ma Easchta wead.

Im Hondweak untascheidt ma drei wichtige Ausbuidungsstuafn: Moasta, Gsej und Leahling (Stift). Wonnst ois Leahling ausgleant host und de Gsejnpriafung bstehst, weasd Gsej. Wonn'd nocha no a Weidabuidung mochst und de Moastapriafung bockst, weast Moasta.