Molon labe

Molon labe (oidgr. μολὼν λαβέ) is a oidgriachische Redewendung. Ins Boarische iwasetzt hoasst molon labe so vui wia „Kimm hea und hoi das!“

Mit „molōn labe“ soi da Kini Leonidas vo Sparta bei da Schlocht bei de Thermopylen auf de Aufforderung vom Xerxes I., de Woffn niadazlegn, gantwortet ham. Des hod da Plutarch in seim Bericht iba de Schlocht gschriebm. Da Leonidas hod bekanntlich nit aufgebm und hod bis zum Untagang kämpft. Daduach is da Vormarsch vo de Persa vazegat worn und de Griachn ham an Kriag gwunna.

Ois Redewendung im Neigriachischn bedeidt molon labe, de Entschlossnheit deitlich z mocha, nit kampflos aufzgebm.