Montanismus

Da Montanismus is a prophetische Bewegung in da Antike gwen, de wo umad Mittn vom 2. Joarhundat ausm Kristndum aussaganga is und si sejba aa „Neie Prophetie“ ghoassn hod. Da Nama „Montanismus“ kimmt vom Montanus, dea wo da Ofiahra vo da Gruppm gwen is. Weidare wichtige Gstoitn vo dera Bewegung san Priska / Priscilla und Maximilla, de Prophetinna gwen sei soin. Spada is da Montanismus ois Häresie vauateit worn.

Meakmoi

De wichtigstn Meakmoi vom Montanismus san de Eawoartung vo da schnejn Wiedakunft Kristi, de strenga asketischn Foadarungen (Fostn, Ehelosigkeit usw.) und bsondas de Betonung vo da Prophetie gwen.

Literatua

• Marco Frenschkowski: Montanus. In: Biographisch-Bibliographisches Kirchenlexikon (BBKL). Band 6, Herzberg 1993, ISBN 3-88309-044-1, Sp. 77–81.
• Wolf-Dieter Hauschild: Lehrbuch der Kirchen- und Dogmengeschichte, Band 1, Alte Kirche und Mittelalter, 2., überarb. Aufl., Gütersloh 2000, § 2 Nr. 7, S. 76-78