Museumsschiff

A Museumsschiff is im oigmoana Woatgebrauch a Schiff (gegemnafois aa Boot), des wia a Museum bsichtigt wern ko.

Museumsschiff Schuischiff Deitschland, Bremen

De meistn Museumsschiff san außa Dienst gstejte, zum Tei no voi funktionstichtige äjdare oda bsundane Schiff, de beispuisweis in ihra Bauoat oda weng ihra Gschicht sejtn oda oanzigoatig san oda weij vagleichboare Schiff duach Vaschrottung und ondare Valuste sejtn worn san. Se lieng entweda fest vatäut an oana Pier im Wossa oda san in Trockndocks oda aa an Lond zum Tei aa in eignan Gebaide ausgstejt. Oanige wenige Museumsschiffe foahn no aus und bietn zum Tei glengtliche Midfoahglengheitn o.

Vui Museumsschiffe ghean Schifffoahtsmuseen wia m Deitschn Schiffoahtsmuseum oda Vaeinen, de se um an Eahoit und de Restauriarung vo de Schiffe kimman.

Literatua

• Ingo Heidbrink: Schrott oder Kulturgut. Zur Bewertung historischer Wasserfahrzeuge aus der Perspektive des Historikers. Bestandserfassung - Bewertung - quellengerechte Erhaltung. Lage / Lippe 1994, ISBN 978-3980367417.

Im Netz

 Commons: Museumsschiff – Sammlung vo Buidl, Videos und Audiodateien