Neistod an da Doana

Basisdotn
Bundesland:	Bayern
Landkroas:	Landkroas Kelheim
Hechn:	354 m ü. NHN
Flächn:	93,56 km2
Eihwohna:	13.670 (31. Dez. 2015)
Bevökarungsdichtn:	146 Einwohner je km2
Postleitzoi:	93333
Voawoien:	09445; 09444 (Mühlhausen); 08402 (Schwaig, Umbertshausen)
Autokennzeichn:	KEH, MAI, PAR, RID, ROL
Gmoaschlissl:	09 2 73 152
Address vo da; Stodvawoitung:	Stadtplatz 1; 93333 Neistod an da Doana
Webseitn:	www.neustadt-donau.de
Buagamoasta:	Thomas Reimer
Log vo da Stod Neistod an da Doana im Landkroas Kelheim
	Karte

De Artikln Neustadt an der Donau und Neistod an da Doana übaschneidn si thematisch. Hüif bitte mit, dass de Artikln bessa vonanaunda åbzgrenzt oda vareinigt wean. Bevoast den Hinweis wieda außaduast, möidt di bitte auf Wikipedia Diskussion:Redundanz, wo de Redundanzfälle diskutiat wean.

Dankschee!

Neistod an da Doana (amtli: Neustadt a.d.Donau) is a Stod an da Westgrenz vom Landkreis Keaham in Nidabayan. Ma kennt Neistod wengan Kuaoat Bad Gegging.

Geografie

D'Stod liegt in da Mittn vo Inglstod und Rengsbuag, mittn im Toi vo da Doana af a 5 km broadn Schottaehm. Im Siidn vo da Stod san de letztn Woidhigl vo da Holladau, de im Tertiär entstandn san und im Nordn find ma de letzn Koichhäng vom bayrischn Jura. Uim und Oms lafan in Neistod ind Doana.

Oatstei

Hopfagadn im Herbst

Zua Stod Neistod ghern foigade Deafa und oaschichtige Hef: Arasting, Bad Gegging, Deisnhofn, Eining, Geimasten, Hodafleg, Heilingstod, Heannam, Irnsing, Kapfastoa, Lina, Macham, Mauan , Mühlhausn , Nidaulro, Obaulro, Schwoag, Sittling, Umbatshausn und Wia.

In de Deafa lem vui Bauan. Hopfa und Spargl san bsondas wichti.

D'Gschicht

D'Stod Neistod is ausm Doaf Trephenau entstandn, des da Herzog Ludwig da Strenge zu a vui gressanan und neia Stod umbaun lassn hod. Zeascht hod de Stod no Seligenstod ghoassn. Unda dem Nam san da Stod d'Stadtrecht valiehn woan und zwa am 11.Mai 1273. Neistod hod domit s'eateste Stodrecht vo Bayern, des unda de Wittelsbacha valiehn woan und schriftli nochgwisn is. Späda hod si statt Seligenstod da Nam Neistod eibirgad. 1277 hod da Abt vo Weatnbuag in a Uakundn s'easchte moi vo Neistod gschriem.

d'Stadtpfarrkiach mit da St.Anna-Kapean

Neistod is in da Vagangaheit oft zastert und vo da Doana ibaschwemmt woan. Z'lezt oba, hod si Neistod zu an Industriestandoat entwicket, mit 6900 Abeitspletz. Ogfanga hods mit da Raffanirie Neistod in de 1960er Joa. Weida ganga is in de 1980er Joa, ois si vui Automobilzulifera ogsiedlt hom. Net z'letzt hod Neistod a vom Kuaoat Gegging Nutzn zogn.

D'Oidstod vo Neistod hod si no erhoidn, so wias frias wa. Sie is quadratisch, viaeckig und reglmäßig afbaut. Da sid-estliche Tei vo da Oidstod is net reglmäßig, wesweng ma moand, das des s'oide Trephenau gwen is. Da Stodwoi is a no do, gnauso da Stodgrom und de drei Stoddiam. Afm Stodwoi hams im vorign Jahundat schene Kastanienbam afi pflanzt. Heid kom ma duach a schene Kastanienallee, de net schena sei ko, geh.

Patnaschaftn mid andre Sted

Neistod is in da Abatsgmeinschaft Neustadt in Europa. 36 Neistod san do drin, sogoa aus Ungan, Tschechien, Poln und da Slowakei. A Freindschaft is ma zua Recoaro Terme,Provinz Vicenza, Italien eiganga.

Wiatschaft und Infrastruktur

Vakeha

In Neistod kreizn se de Bundesstrassn B und B .Iba de zwoa Strassn kimd ma zua Audobahn A 9, de nach Minga oda Rengsbuag fiad. An Bahnhof hod Neistod aa. In da Näh bei Keaham gibts an Doanahafn und da nexte Flugblooz is in Erding, 60 km weid weg.

Im Netz

Commons: Neistod an da Doana – Sammlung vo Buidl, Videos und Audiodateien

Beleg

Städt und Gmoana im Landkroas Kelheim