Nerd

A Nerd oda Nörd is a Mensch, wo iwamasse intellektuej, obsessiv, introvertiad oda mid an Mangl an soziala Kompetenz oogseng wead. D uaspringle englische Bedeitung "Aussnseita" driffd des Phenomen neama genau. Friaa woar "Nerd" a Schimpfwoat, heit is doalweis a Auszoachnung. Je noch Szene ko dea Begriff recht positiv oda negativ gseng wean.

Stereotyp vo am Nerd

Nerd ko vui moana: an Strewa, an Sondaling, an Computerfreak, an Difdla, an Muadabuali, an kontaktoarman Intelligenzla oda an Fochidiotn bzw. Fochdrouddl. Es kimmt imma afn Zammahang oo. Unta d Computerleit is Nerd a grousses Kompliment.

Nerd Pride

Duachn Afstieg vom Silicon Valley und da amerikanischn Computerindustrie san an Haffa Nerds za Reichdum kema und hom d Medienkuitua beeihflussd. Tippische Nerd-Interessn wia Superhero, Fantasy und Science Fiction san internationaie Hits in da Oidogskuitua woarn. Oagnschoftn vo Nerds san af amoi ba vuin Leitln winschnsweat und sogor gfeiad woarn.

Beispui vo Nerds

A Nerd Emoji

Nerds im echtn Lebn

• Bill Gates, da Grinda vo Microsoft
• Julian Assange, da Grinda vo WikiLeaks
• Archimedes, Afinda in da Antikn, mid seim berihmdn Spruch: "Zasteads meine Kroas ned."
• Marc Zuckerberg, da Grinda vo Facebook
• Evan Spiegel, da Grinda vo Snapchat

Nerds in da Fiktion

• Steve Smith, aus da Comic-Serie American Dad
• Neo, da Hacker im Fuim "Matrix"
• Sheldon Cooper, da Nerd in da US-Serie "The Big Bang Theory"
• Lisa Simpson, vo da Comic-Serie The Simpsons
• Professor John I.Q. Nerdelbaum Frink Jr., vo da Comic-Serie "The Simpsons"
• Peter Parker, da Hejd vom "Spider-Man" Fuim

Im Netz

 Commons: Nerds – Sammlung vo Buidl, Videos und Audiodateien

• "The Well-Dressed Geek: Media Appropriation and Subcultural Style" (Paper by Jason Tocci presented at the MIT5 conference. PDF, 180kb).
• "Why Nerds are Unpopular", an essay by Paul Graham about the conformist society in American high schools.
• "The Nerds Have Won", an article by Brian Hayes in American Scientist, September–October 2000.