Huif:Kategorien

De Seitn zoagt da wiast am bestn mid Kategorien umgeh soisd.

Olegn vo neie Kategorien

Wonst a neie Kategorie olegn wuisd, schau dass d' de foigndn Regeln eihoidsd.

Wos wead Kategorisiad

• Artikel
• Benutzerseitn üba de Babelvorlagen (optional)
• Buidl (zua Einordnung nach Art des Buidls und da Lizenz, aba ned nach Thematik)
• Diskussionsseitn (optional, füa interne Wartungszwecke)
• Hilfeseitn
• Listn
• Portale
• Vorlagn (siehe Huif:Vorlogn#Kategorisierung)
• Weidaleitungen nua in a boa Fälle (siehe Hilfe:Weiterleitung#Kategorisierung)

Übaprüfungen

• Schau obs ned scho a ähnliche oda gleiche Kategorie gibt, bevoasd a neie olegst.
  • Beispui: De Kategorie:Bayern gibts scho, donn brauch ma koa Kategorie: Bundesland Bayern mea.
• Schau ob de Kategorie wirklich braucht wead, oda obs andane Lösungen gibt.

Namenswoi

• Olle Kategorien wean grundsätzlich auf Hochdeitsch gschrim.
• Da Nam soi aussagekräftig und a sinnvoie Untateilung vo seiner Hauptkategorie sei.
  • Beispui: Kategorie:Computer; sinnvoie Untakategorien wan do jetz Kategorie:Hardware und Kategorie:Software

Eisoatian vo Artikel

• De Artikel erscheinan automatisch in da Kategorie, soboid im Artikel [[Kategorie:Kat-Name]] ogem wead.
• De Artikel soin sinnvoi in de Kategorien eisoatiad wean.
• Wenn voahandn, soi de Untakategorie wo am bestn zum Artikel bassd, gnumma wean.
  • Beispui: Minga soid dann in de Kategorie: Ort in Bayern weis am genauesdn bassd,
    de Übakategorie Kategorie:Bayern is do nu z' ungenau.
• Wenn da Artikel in mera Kategorien bassd, kosd de olle ogem.
  • Bsundas bei Leid komma oft mera benutzn.
    Bsp: Kategorie: Mann; Kategorie: Deutscher; Kategorie: Wega dem a bekannt is...
• Wenn da Artikel unta am andan Buachstam ois da Artikelnam in da Kategorie steh soid, kosd des mid [[Kategorie:Testkategorie|Wunschnam]] ändan. Ozoagt wead aba trotzdem da Seitnnam.
• Wennst a Seitn in a Untakategorie drin hosd, dann soids ned a nu in da voaherigen Kategorie sei.
  • Beispui: Seitn wo in da Kategorie:Ort in Bayern san, brauchan ned nu in de Obakategorie Kategorie:Bayern.

Begriffsklärungsseitn

Seitn wo de Vorlag Vorlage:Begriffsklärung benutzn, brauchd man koa Kategorie mea ogem. Da Artikel wead Automatisch in de Kategorie:Begriffsklärung eisoatiad.

Kategoriegräßn

Wann ma a Kategorie aufrüafd, wean maximal 200 Artikel und Untaseitn pro Seitn ozoagt. Wenn recht vui Seitn in da Kategorie san, soiad ma übalegn ob ned nu a boa Untakategorien sinnvoi wan. Bei recht wenig Artikel in a Kategorie soid gschaud wean ob de Kategorie wirklich sinnvoi is und de Seitn ned woanders bessa aufkom san.

Beschreibung in da Kategorie

In jeda Kategorie ko ma a Beschreibung vo da Kategorie ogem. Dea Text soi kuaz Erklärn wos ma do findt. De Kategorieseitn kinnan ganz normal beoawat wean, wia jede andane Seitn a.

Kategorisiarung vo Kategorien

Olle Kategorien san grundsätzlich Untakategorien da Hauptkategorie. Olladings soin nua Kategorien vo am ganzn Themenbereich in de Hauptkategorie eine. Ois Beispui san do: Kategorie:Geschichte und Kategorie:Wissenschaft. De andan Kategorien soin ois Untakategorien in de jeweiligen Kategorien eisoatiad wean. Kategorie:Physik is zwa a nu a großa Themenbereich khead aba zu de Wissenschaftn, und deswegn ois Untakategorie zua Kategorie:Wissenschaft

Zum Eisoatian in a ondane Kategorie muas nua ganz normal de Kategorie in da Beschreibungsseitn ogem wean. De Software zoagt dann de Kategorie ois Untakategorie o.

Sunstigs zu de Kategorien

Kat-Nam ohne Kategorisiarung

Wennsd de Kategorie ogem wuisd, ohne dass de Seitn glei in de Kategorie eisoatiad wead, kost des mid

[[:Kategorie:Kat-Nam]]

ogem. Wichtig dabei is, dass direkt nach de [[ da Doppepunkt kimmd. Damit is de Kategorie oklickboa, da Artikel wead aba ned in de Kategorie aufgnumma.

Umbenenna / Vaschiam vo Kategorien

Nua Benutzer dea Gruppn Administration kinnan Kategorien vaschiam. Wenn ma a Kategorie umbenenna mecht, komma aba einfach de neie Kategorie erstäin und olle Artikel auf de Neie umstäin. Danach muas nu a Löschantrag auf de oide Kategorie gstäid wean.

Listn vo Kategorien

• A Listn vo olle Kategorien kosd auf Spezial:Kategorien findn.
• Da Kategorienbam wead auf Spezial:CategoryTree ozoagt.
• Bei Spezial:Uncategorizedpages san olle Artikel de nu koa Kategorie ham.
• Neie Kategorien findst bei http://bar.wikipedia.org/w/index.php?title=Spezial:Neue_Seiten&namespace=14