Nutza:Luki/Ainu

De Ainu san a uaoids Voik, des scho weid friaa in Nuadn vom heiting Japan no vua de Japana bsidlt hom, in Nuadn von Honso und gaunz Hokaido. Se woan Jaga und Fischa und se hom a oafoche Natuareligion ghobt mid Schamanismus.

Wea san de Ainu

A Ainugruppn in eanan Haisl, afgnumma umma 1863/1870

Fund vo de Ainu lossn se voa iwa 14000 Joa findn nu weid vua da Jomon Kuitua. De Ainus lossn se schwa mid andare Leid vagloachn. Vom Keapabau passatns za dea Ochotskischn Kuitua. Se hom a höllane Hautfoab ois de Japana ghobd. Und woan a mid oan schtoakn Keapahoawux ausgschdot und de Mauna hom alaunge Beat trogn. Owa es hod eana a de Mongoinfoitn gföd (Maundlaugn). Se woan a gressa ois de Japana. Owa oa vawaundschoftligs Vahötnis mid oan vo eanane Nochboan losst se ned festschton. Eanane Haplogruppn ( de von Mau -Y) san bis noch Zrntreu- und Ostasien bei duatige Leid zfindn. De Weiblige mtDNS is nu weida afteut und mera mid da Japanisch vaischt, weu wia de Japana Hokaido eaowad hom wens Se se mid Ainuwaiwal vabundn hom. Owa a eana Schproch passt zu koana Aundan. So hod mas mid aundare autochtone Schprochn za de paläosibirischn Schprochn zampoppt, obwois ned midanaunda vawaunt san. Eana Schpoch is im Sidn vo Kamtschatka, Sachalin, af de Kurilen und Hokaido und im Nuadteu von Honso gred wuan. Es gibt oweu Vasuach de Schproch do nu mid Aundare untazbringa, wia de Makro-Altaischn von Patri vo 1982. Owa wia scho gschrim, gwis is do nu Nix. Af Sachalin, Kamtschaka lem heid nu uma 1500 Ainus.

A megliche Eiuadnung vo da Sproch kannt so ausschaugn:

MAKRO-ALTAISCH
- Japanisch-Koreanisch-Ainu
  - Ainu
  - Japanisch-Ryukyu
  - Koreanisch
- Tungusisch
- Mongolisch
- Turkisch

Obn 19. Joahundat

De Ainus woan nu Jaga, Saummla, Fischa und Pötzhaundla. Eana Religion woa da Schamaismus. mid oana Haubtgeddin Ape-Huci-Kamuy und danem nu vü aundare Gedda (Kamuy). Se Hom Gedda fia de Feia, Dunna, Pflaunzn, Bodn und a fia a jeds Wetta oan God abet. Sogoa eanane Grätschoftn und Gschialn homs vaeat. Ois was aundas woa, wia se söwa. Und se hom se Ainu gnennt, des bdeit Mensch, oda Utari des hod Freind ghoassn.

Do se zan Untaschiad za de Japana a schteakane Keapabhorung und a Beat ghobd hom, sans vo dene ois drekat und unsauwa vaocht wuan. Ob 1868 is eana Bodn an japanische Sidla vagem wuan und ma hod a eana Schproch vabodn. 1999 hod de Regiarung a Gsetz vaobschid, wo de Ainu ois Oideinwohna bnennt wuan san, mid weniga Recht. 1932 hom nua mea eppa 16000 Ainus af Hokaido glebd, do vü an de Pockn und da Cholera gschtuam san.

Oa Ainuscheenheid midm tradizionön tetawiadn Lippnboat
Ainumaun mid oan Hoizprigl
A wengl bessa gschtöda Ainu uma 1930

Und wia schauts Heid aus

Des is oa Koatn vo 1999 mid dea Bvökarungsvateulung vo de heidign Ainu

A Weibal im Feiatogsqwandl

Ob 1932 hod se de japanische Regiarung bsinnd und hod fia de Ainus Kraunkhaisa und soziaue Eirichtungan baut. Und so hod se de Ainubvökarung bis zan Joa 2009 af eppa 27.000 eahoin kena. 1997 hod des Laundgricht vo Sapporo easchtmolig fia de Ainus oan Rechtsschtreid entschidn. De Regionalregiarung vo Hokaido woid an Damm ungfrogt af an Ainugrundschtickl earichtn. Und des Gricht hod bschlossn das des a illegale Akzion warad und das ned de oanzigoatige Kuitua dea indigena Mindaheid dea Ainu bdochd hed.

Middlawei wiad eana Schproch wida a wengl gleand und se hom a oan Radiosenda. Und es gibt a scho wieda Musigruppn.

Schau aa

Portal:Gschicht

Literadua

Horst M. Bronny: Die Ainu. In: Merian Nr. 11, 1980, S. 120–123.
J. Kreiner, H. D. Ölschleger: Ainu. Jäger, Fischer und Sammler in Japans Norden. Katalog der Sammlung des Rautenstrauch-Joest-Museums in Köln, Köln 1987, ISBN 3-923158-14-9
Mark Hudson: Agriculture and Language Change in the Japanese Islands. In: Peter Bellwood, Colin Renfrew: Examining the Farming/Language Dispersal Hypothesis. McDonald Institute for Archaeological Research, Cambridge 2002, S. 311–317 (englisch)
Miyajima Toshimitsu: Land of Elms. The History, Culture, and Present Day Situation of the Ainu People. United Church Publishing House, Etobicoke 1998, ISBN 1-55134-092-5, S. 100–104.

Im Netz

Commons: Ainu – Sammlung vo Buidl, Videos und Audiodateien

Youtube

http://www.youtube.com/watch?v=endv3PVpXFg (Origineuschproch)
http://www.youtube.com/watch?v=9dgexEvTEjs (Englisch)
http://www.youtube.com/watch?v=bKaw7ShYIYQ (tradizioneue Ainu-Tanz)
http://www.youtube.com/watch?v=mDF2_r7fXxQ (intaresannte oide Fotos vo de Ainus)
http://www.youtube.com/watch?v=H-efEtgOo0E (oade und neiche Büdln)

OKI&Ainu Band

Interwiki-Notiz

http://de.wikipedia.org/wiki/Ainu