Offnfettn (dt.Affenfett) is a heizdog söötana Ausdruck. Ma maant damit meah oda weniga lustig a Fettn mit zweioflhofta Heakumpft, de wos a wengl mindaweatig is.

In da Seefoaht hod ma damit a Fettn gmaant, de wos in da Schiffskuchl (Kombüse) beim Fleischauslösen iwabliem is, und de wos ma im Pfandl auslossn hod. Nochn Zweitn Wöötkriag hot ma dann so zu ana Schweinsfettn gsogt, de wos ma duach an Fleischwoif draht hod (Flomen), oda iwahaupt zu aana Magarin. In da Sowjetischen Besatzungszone hoz a Oat Grammlschmoiz zum aufs Brod schmian gem, zu dera hod ma aa so gsogt.

Affenfett, oisa a Brodaufstrich, bsteht aus an ausglossanan Spegg, dea wos mid an Eier, ana Müüch und an Mööh vamischt und mid an Soiz und an Majoran gwiazt wiad. Dea gaunze Motschka wiad daunn bei aana ned z'stoakn Hitz soweit gstockt, doss man no streichn kau, und wiad daunn oisa woama gessn.

Aa de Fettn, de ma beim Gwindschnein zum Schmian vawend, haast ma in da Umgaungssproch Affenfett.