Okrug Raška
Raška (serbisch: Рашки округ, Raški okrug) is a Vawoitungsbeziak im Sidwestn vo Zentroiserbien.
| Raški Okrug | |
|---|---|
 | |
| Staat: | Serbien |
| Fläche: | 3.918 km² |
| Einwohner: | 300.274 (2002) |
| Hauptstadt: | Kraljevo |
Ea bestähd aus foingdn Gmoana (opštine):
Diesa Beziak hod laut Voikszehjung 2002 300.274 Eihwohna. Da Haptvawoitungssiez is de Stod Kraljevo.
In da Umgewung vo Kraljevo bfindd se's Klosta Zica. As spiritueje Zentrum van serbischn Middloita is im Joar 1220 featiggstejd worn und hod se zan Zentrum vo da serbischn Archiepiskopie entwickld.
As Klosta Studenica is om End van 12. Joarhundad featiggstejd worn und stejd a großzigige Stiftung van serbischn Fiascht Stefan Nemanja doa. Es weisd reiche Vaziarunga af und bheabeagd zoihreiche Ikonen und a große Bibliothek. Nochdem da Fiascht Mönch worn is und noch Hilandar in de Mönchsrepublik af'm Beag Athos zong woa, hod se sei äjdasda Suhn Stefan Nemanjić um's Klosta kimmad.
A Stiftung van Kini Stefan Uroš I. is's Klosta Sopoćani aus'm Joar 1260, wos beispuihofd fia de eiropäische Molarei van Middloita stähd und 1979 vo da UNESCO zan Wejdeabe eaklead worn is.
On wiatschiftlichn Schwaapunkt van Beziak buidn de Industrie (Magnohrom), as Lokomotivweak und de Schienafabrik in Kraljevo, de Hoizvaoabatung (Jasen) und da Betrieb „Elektro Srbija“.
Im Netz
Werkeln
Commons: Okrug Raška – Sammlung vo Buidl, Videos und Audiodateien