Om mani padme hum
Om mani padme hum (Sanskrit: ॐ मणिपद्मे हूँ, oṃ maṇi-padme hūṃ, Tibetische Aussproche: om mani peme hung) is a Mantra in Sanskrit, wo im buddhistischn Bodhisattva vom Mitgfui im Avalokiteshvara zuagordnet wead. Es soi schon im 5. Joarhundat af Tibet glangt sein. Es is as ejtaste und bis heit populeaste Mantra vom Vajrayana Buddhismus.
De Bedeitung vo em Mantra is ned genau bekannt, deshoib gibts vui Interpretationa dazua. Fian tibetischn Buddhismus san de sex Suibm om mani peme hung a Ausdruck fia umfossands Mitgfui. Dahinta steckt da Wunsch vo oin Lebewesn ausm Kroaslaff vo de Wiedagebuatn auszsteign. Dees Zui ko mit da Medidation mit im Manta dalangt wean.
A andana haifige Interpretation is, das Om oda Aum da Urlaut is, aus dem wo s Universum entstandn is. Hum is s Gegnstickl dazua, oisdann dea Laut, wos Universum zammastiazn losst. Mani (Juwel) is a Symboi fias Prinzip Mo, Padme (Lotosbliah) is a Symboi fias Prinzip Wei. Nacha moant Om Mani Padme Hum de ganze Wejd, s Entsteh, de dynamischn Polaritetn Mo und Frau und s Valeschn.
Literatua
Werkeln- Alexander Studholme: The Origins of Om Manipadme Hum. State University of New York Press, Albany (N.Y.) 2002, ISBN 0-7914-5389-8
- Lama Anagarika Govinda: Grundlagen tibetischer Mystik. Aquamarin, Grafing 2008, ISBN 978-3-89427-469-6
Im Netz
Werkeln
Commons: Om mani padme hum – Sammlung vo Buidl, Videos und Audiodateien- Deutung des Mantras durch den Dalai Lama
