OpenSocial
OpenSocial is a Sommlung vo Programmiaschnittstejn fia Owendunga in sozialn Netzweakn im Internetz. OpenSocial wead vo Google entwicklt und is om 1. Novemba 2007 vaeffentlicht woan.
Duach OpenSocial kennan Funktiona vo vaschiednan sozialn Netzweakn vaknipft wean, wenn boade de OpenSocial-API nutzn. Vo Ofong o woan aus Deitschland nua s Gschäftsnetzweak XING und da Ticketservice amiando dobei.[1]
Seit Dezember 2009 wead de OpenSocial-API aa vo StudiVZ, SchülerVZ und MeinVZ untastitzt.[2]
OpenSocial bsteht voa oim aus zwoa Tei: da OpenSocial-API (kompatible Schnittstejn) und de OpenSocial Gadgets (beziang de Inhoite vo de sozialn Netzweake und sorng fia de korrekte Doastellung.
OpenSocial-Applikationa
WerkelnOpenSocial-Applikationa wean z. B. in HTML, XML und JavaScript gschriebm. De Owendunga braucha zua Ausfiarung und zua Ozoag an sognenntn Container. Dea deant ois Lafzeiumgebung, dea wo de OpenSocial-API integriat. Es gibt drei Typm (sognennte Social Design Patterns) vo Applikationa.
- Social Mashups
Weam im sozialn Nezt sejba ausgfiat. Inhoide und Funktiona vo ondan Applikationa wean duach RSS oda AJAX kombiniat.
- Social Application
Owenunga mit umfongreicha Funktionalität. Laufen iba a exteanan Server, dea wo ois Container fias Rendering und fia de Vaorbatung zuaständi is. Hoha Bedoaf an Ressourcn. Gschriem wean keanans in HTML, JavaScript, CSS, OpenSocial Templates, Flash, PHP, Python, Java, Perl, .NET oda Ruby.
- Social Website / Social Mobile Application
Des san Applikationa, de wo aussahoib vom sozialn Netzweak ausgfiat wean. Se beziagn de Datn aus sozialn Netzweakn mit Huif vo da OpenSocial-API iba de REST- oda RPC-API. Da Nutza gibt mit OAuth direkt de Freigob auf seine Datn.