Open Street Map

fraies Projeggt undam Wiki-Prinzip, des a frei nutzbore Weltkorte oabiet
OpenStreetMap
Logo von OpenStreetMap
http://www.openstreetmap.org
Motto The Free Wiki World Map
Kommerziäi Naa
Beschreiwung Wikiprojekt zum Afbau vo na frein Wejjdkartn.
Registriarung nua füa de de bearwadn woijn
Sprochn 41
Eigndima OpenStreetMap Foundation
Urheba Mitglieda vo da „OpenStreetMap-Community“

Open Street Map, frei üwasetzd: Offane Straßnkartn, is a freie Landkartn vo da ganzn Wejjd. A jeda koo, ganz ähnle wia in da Wikipedia, dro midarwadn, und zua Vabesarung beidrong.

In da Präambl vo da Open Street Map stähd: Open Street Map hod as Zui, freie geografische Datn üwa Straßn, Eisnbahna, Fliss, Wejjda, Haisa und ois andane wos ma af na Landkartn säng koo zum eafassn. De Datn stengan olle Nutza ohne Lizenzkostn frei zua Vafügung um draus Sachan wia Straßn-, Wanda- oda Radlkartn, Ruatnplana oda andane intressante Infoamationa zum macha.

Des Open Street Map Kartn- und Datnmaterial is unta d Lizenz Open Database,[1] gstejjd und de Software dazua unta GNU GPL. Des hoaßt grob gsogt, dass mas frei a fia Druckweak und ois andane vawendn koo, ma muass nua in jem Foi des Projekt ois Quejjn oogem.

De Datnbank befindt se deazeid no im Aufbau, is awa voa oim bei spezielle Kartn[2] oda in Uniweasidätsstädt, oftmois ausfüahlicha ois wia kommerzielle Obieta oda Online-Angebot. Dageng is auf Land no ned gor so gnau.

Open Street Map und Bayern Werkeln

De Open Street Map hod in am Pilotprojekt Luftbuidl vo Bayern zum eastejn vo digitalm Kartnmaterial vom boarischn Vamessungsamt vo da Owapfoiz zua Vafügung gstejjd griagt.[3] Zui war, so deatailiade Kartn wia megle vo dem Gebied zum eastejjn und bei Eafoig, des Projekt mid Luftbuidl vo ganz Deitschland zum untastützn. Des Projekt is seid Mäaz 2009 obgschloßn, es laafan awa weidahi Vabessarungen drüwa, an dene se grod oatsansässige beteilign kenna oda soitn.

In Openstreetmap kena a boarische Nama vo Oartn und Ländern gspeichat wern. Für des gibts den Schliessl name::bar[4]. Blos a Katn die wo die boarischn Nama a ozeigt gibts no koane.

Gschicht Werkeln

 
Steve Coast af da Konfarenz „OSM im Rheinland“ im Mai 2009

D'OpenStreetMap (OSM) is im Juli 2004 vom Steve Coast gründt worn. Im Aprui 2006 hom s a Stiftung gründt, de des Zui vafoigt, des Sammen, Entwickln und Afbreiten vo Geodaten, de se auf n Raum beziang und de Vabreitung vo soichane Daten füa an Jen' zum nutzn und teiln wia'ra mog.

Im Dezemba 2006 hod Yahoo OpenStreetMap ealaubt, dass eanane Luftaufnahman ois Grundlag füa s Kartneaarwadn heanemma deaffa.

Im Aprui 2007 hod d'Automotive Navigation Data (AND) da OpenStreetMap an komplettn Datnsatz vo eanana holländischn Straßnkartn und de Kartn vo Hauptstraßn vo China und Indien, gspendt.

Im Juli 2007, bei da easchtn OSM international The-State-of the-Map-Konferenz, homs scho 9000 registirade Nutza ghabt.

Im August 2007 is a eignständigs Projekt gründt worn, OpenAerialMap, des a Datnbank vo Luftafnahman zua frein Vawendung eastejjnd und vawoitn duad.

Im Oktoba 2007 is da Impoat vo de TIGER (A staatliche Eafassung vo grundlegnde Straßn in de USA) Datn featig worn. Im Dezemba hod ois earschte grässare Institution de Oxford University de OSM offiziell auf eanana Intanetseitn g'nutzt.

Seid Novemba 2009 hod de OSM ummara 190.000[5] Nutza zejjd.

Beleg Werkeln

  1. RWeait: OpenStreetMap data license is ODbL v1.0. OSM Foundation. 12 September 2012. Abgerufen im 5 November 2012.
  2. http://www.focus.de/digital/computer/wissenschaft-wiki-kartenprojekt-lockt-hobby-kartographen_aid_389958.html Archivierte Kopie (Memento des Originals [1] vom 2. Dezémber 2016 im Internet Archive)   Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.focus.de
  3. http://wiki.openstreetmap.org/wiki/DE:Luftbilder_aus_Bayern
  4. https://taginfo.openstreetmap.org/keys/name%3Abar#values
  5. http://www.openstreetmap.org/stats/data_stats.html (OpenStreetMap-Datnbankstatistikn)