Pilgoa

Pilgoa óder Pilgoale isch a Wórt aus Tiról unt Kärntn. As hoaßt, dass die Hénnen liaber Ggoggelen légn, wénn man nét ålle Ggoggelen ausn Nést nimmp. Mån låsst oans drein òder man nimmp an helln Stoan, der ausschaugg wia’n Oa unt légg’n in Nést eini. Dés oanzelne Oa hoaßt Pilgoa. Schón in Mittlhoachtaitschn isch „pilgei“ (Nestei) pelégg. Vielleicht kimmp’s va mittlhoachtaitsch bilegen (beilegen).