Pluralis Auctoris
Pluralis Auctoris (aa Autornplural, Autornmeazoi) is de Vawendung vo ana Pluralfuam (Bsp.: „Mia weisen drauf hi, dass ...“ stott „I“ weis daauf hi, dass ...“) in wissenschoftlichn Textn und Vuaträgn oda in da juristischen Sproch.
Da Sprecha oda Schreiba, obwoira eigentlich si söwa maant, kommuniziat so Einvaständnis mitn Zuahera oda Lesa (Bsp.: „Auf den Punkt woin ma ned weida eigehn ...“) bzw. keat de Objektivitet und Generalitet vo ana wissenschoftlichn Orwad duach Vazicht aufs subjektive und speziölle „I“ fiara. Da Aungesprochane wiad vom Autor in de Iwalegungen einbezogn.
Da Pluralis Auctoris wiad zum Teu mitn sognenntn Pluralis Modestiae (Bescheidenheitsplural) gleichgsetzt, bei dem wos duach de Vameidung vom „I“ Bescheidenheit ausgedruckt wean soi.