Pofl

Pófl isch in Tirol as Hai va der drittn Måhd. Wénn as Wórt aa éhnlich isch wia taitsch „Bafel“ (mindrwertigs Zuig), unt die Pedaitung aa éhlich isch, scheint’s decht koan språchgeschichtlichn Zsåmmenhång zu gébm. („Bafel“ gip’s ersch seit’n 18. Jåhrhundert in der daitschn Standartspråch). Dr Ursprung isch pabulum (Spreu) aus dr lateinischn Klóschtrspråch. In Verhältnis zu Årbetsaufwånt pringg die dritte Måhd weanig Ertråg.

Pa dr zwoatn Måhd kriagg man as Groamet ódr Gruamat (Grummet). Dés Wórt kimmp va mittlhoachtaitsch gruonmat: gruoen = wåxn, mat = Måhd.

As Wórt Hai selber isch mitn Wórt haudn (hauen) vrwåndt. Haudn war in dén Fåll dr Erntevórgång (mahnen, mähen).

Mitn Wórt Måhd isch alemannisch Matte (Wiese) ursprungsgleich, ébmsó englisch meadow (Wiese). As Groamet hoaßt af énglisch aftermath.

Quelln

Heu, Grummet und Pofel: Egon Kühebacher; Tiroler Bauernkalender 1996, S. 129-130; Prologo, Innsbruck.
Duden Herkunftswörterbuch; Mannheim 1997.