Poliahu
D Poliahu oda Poliʻahu iis in da hawaiischen Mythologie d Schneegeddin und d Dochda vom Schepfagod Kāne. Se is d Gengspuiarin vo da Vuikangeddin Pele. Boade vakeapan en Mythos vom ewign Kampf zwischn Hitzn und Käidn, Feia und Frost, brennada Lava und Eis.[1]
Noch da Legendn wohnt d Poliahu am Vuikan Mauna Kea und hod 3 Schwestan, wo iwa d Schneebeag vo Hawaii heaschn.
Legendn
WerkelnD via Schwestan
WerkelnD Liab vom Schepfagod Kāne za de scheenan Beaggipfen vo Hawaii woar so grouß, dass sei Loadnschoft geddliche Wesn gschoffa hod. Drunt woarn aa d Poliʻahu und iare Schwestan, Lilinoe, Waiau und Kahoupokane. Se san am Mauna Kea geboan woarn. Es san wundascheene Weiwaleit vo groußa Weisheid. Bloos d Poliʻahu rogt aus eana no fiara. Se is d scheenste Geddin vo Hawaii und aa d spoatlichste. D Schwestan san aa imma klass oozong. Im Winta drongs schneeweisse Gwanda im Summa goidane. Bevua da Kāne en Mauna Kea wieda valossn ghobt hod, hod a a gloan, heilign See fiad Diandln ooglegt. Des is da Lake Waiau, wo af ana Häh vo 3970 Meta innahoib vom Pu'u Waiau-Krata liegt. Do hoin se seine Dechda as Wossa und kina aa drin bodn. Es Wossa vo dem heilign Teich deaf neamois ned vaschmutzt wean. Fia d Pfleg is d Geddin Waiau zuastendi.[2] D Lilinoe dageng is d Geddin vom Nebe.[3]
D Poliʻahu und d Pele
WerkelnD Poliʻahu is ned nua schee, se is a recht spoatli. Se mischt se aa gean unta d Leit. An oam Dog is mid am Hōlua Lavas,Schliidn en Osthang vom Mauna Kea owegfoarn. Do is af oamoi a scheene af se zuakema, ganz in schwoarz oozong. Se hod d Poliʻahu zua am Schliidnrennan aussagfoadad. D Fremde hod koan oagna Schliidn, desweng duad sa si an ausboang. S easchte Renna gwinnt d Poliʻahu ohne Miah. Nacha dauschns d Schliidn zweng da Fairness. Owa aa s zwoate Renna gwinnt d Schneegeddin. Ban driddn Renna entstähd af oamoi a Lavastrom vua da Poliʻahu und es kimmt aussa, doss d Fremde d Vuikangeddin Pele is. Um se z schitzn, rennt d Schneegeddin af Gipfe vom Mauna Kea. Nacha hods Schnee und Eis afn Lavastrom gschmissn und eam so zan Steh brocht. Bis heit doaln se d Geddinna d Hawaii-Insel (d gressde Insl vom Bundesstoot Hawaii). Pele heascht iwa Kīlauea und Mauna Loa, Poliʻahu en neadlichn Doal vo Big Island.[1][4]
Literatua
Werkeln- Martha Beckwith: Hawaiian Mythology. Yale University Press, New Haven 1940
- Hans Nevermann: Götter der Südsee. Die Religion der Polynesier. Stuttgart 1947.
Beleg
Werkeln- ↑ 1,0 1,1 Martha Beckwith: Hawaiian Mythology, S. 56 - 63
- ↑ Poliahu, Goddess of Mauna Kea (www.kaahelehawaii.com auf archive.org)
- ↑ Mountain Deities (Memento des Originals [1] vom 1. Fewer 2019 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. (www.mauna-a-wakea.info)
- ↑ Keawe Vredenburg: Poli`ahu and Pele: Legend as information science (Memento des Originals [2] vom 13. Mai 2019 im Internet Archive) Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. (www.mauna-a-wakea.info)
Im Netz
Werkeln- Martha Beckwith: Hawaiian Mythology.