Pseudotropheus saulosi

Der Artikl is im Dialekt Pongaurisch gschriem worn.

Pseudotropheus saulosi
Pseudotropheus saulosi vurn as Waiwerl, hintn as Manderl
Systematik
Ordnung: Barschoartige (Perciformes) Untaordnung: Lippfischoartige (Labroidei) Famij: Buntbarsch (Cichlidae) Unterfamij: Pseudocrenilabrinae Goddung: Pseudotropheus Oart: Pseudotropheus saulosi
Wissnschoftlicha Nama
Pseudotropheus saulosi
Konings, 1989

Da Pseudotropheus saulosi is a afrikanischer Buntbarsch, der endemisch im Malawisee dahoam is. Sai Fundort iss „Taiwan Reef“ bai da Insl Chizumulu gween. Er leebt in grosse Gruppm in de streemungsraichn owern Toae vo de Fejsnriff und lebt vom Aufwux.

Mid ner Läng vo eppa 7 bis 8,6 cm gheascht a za de kloanern Pseidotrofeus-Oartn. De Manderl sand schworschz-blau, de Waiwerl sand gejb-orange gfaarbt. In da Laichzeid kennand de Manderl an intensivern schworschz gfaarbtn Bauch kriang, de schworschze Querbänderung weascht durch a kräftigs Blau dasetzt. Jungviacha zoangs Fourmgwand vo de Weiwal.

Da Pseidotrofeus saulosi is a Majbriater, de Mandal sand revirbijdand. Da Fisch laicht zwischn de Fejsn ou. Bai oaner Bruat schlupfm eppa 30 Jungfiisch, de bai da Entloussung aus'm Maj vom Weiwal eppa 10 mm long sand.

Litaratua

• Hans A. Baensch & Rüdiger Riehl: Aquarien Atlas, Band 4. Mergus Verlag, 1996, ISBN 3-88244-105-4

Im Netz

• www.fishbase.org - Online-Datnbank mid 31.400 Fischoartn (Englisch)