Psychopompos

A Psychopompos oda Psychopomp (vo griachisch ψυχοπομπός - boarisch "Seejnfiahra"; Mz. Psychopompoi) fiaht de Seejn vo de nei Vastoabnan ins Jenseits. Des ko je noch Kuitua a Geist, a Engl, a God oda a Viech (oft sans Vegl) sei.

De Walkyrn san de germanischn Seejnfiahra ins Doudnreich

Da Psychopomp soagt nua fia de sichare Passage, ea duad ned richtn. Entstandn is de Voastejung im Schamanismus, wo da Schamane (Medizinmo) oda de Totemviecha de Seejnfiahra san.

Seejnfiahra in Mythologie und Literatua

In da griachischn Mythologie worn da Hermes (remisch Merkur) und da Charon de Doudnfiahra. In da egyptischn Mythologie wors da hundskepfige God Anubis, in da germanischn Mythologie de Walkyrn.

Im Kristndum san da Petrus, da Eazengl Michael und da Ries Christophorus de Psychopompn.

Da berihmtasde Psychopomp in da boarischn Mythologie is da Boandlkrama (da Doud personifiziad). Beispuisweis in da Gschicht vom Brandna Kaschba.

Galerie

• 
  Da Vergil ois Psychopomp (Dante, Geddliche Komedie)
• 
  A Medizinmo vo de Kwakwaka'wakw ois Psychopomp
• 
  Da personifiziade Doud: a Grippe mid Sensn und Umhang
• 
  Da Eazengl Michael am Weak
• 
  Da Anubis, da hundskepfige God vo de oidn Egypta

Literatua

• Geoffrey Dennis, "Abraham", "Elijah", "Lailah", "Sandalphon", Encyclopedia of Jewish Myth, Magic, and Mysticism, Llewellyn, 2007.
• Eliade, Mircea, "Shamanism", 1964, Chapters 6 and 7, "Magical Cures: the Shaman as Psychopomp".