Pullover
A Pullover [pʊˈloːvɐ] (ausm Englischn pull over fia Iwaziacha), kuaz Pulli gnennd) is da Nåm fia a Gwånd, mearawei gstrickd, des wås ma åm Owakiappa drågg. Es hod longe Eamin und wead iwan Kopf zochn, håd oiso koane Knepf oda an Reißfaschlus. Da Pullover untascheidt si fom Pullunder indem, dasa Eamin håd. S Wuat Pullover is seitm friahn 20. Joahunad in Boarischn und Deitschn Språchraum eigwåndad.[1].
Faschidane Untaåatn fom Pullover hanand Sweatshearts (de aus am feinan Stoff gmocht hanand und uaspringli a Spuatgwånd gweng hanand), Roikrångpullover mid am houchn Krång, Kapuznpullover bzw. Hoodies mid Kapuzn und ana groußn Tåschn åm Bauch oda Norwegapullover aus Schåfswoin mid traditioneje Musta.
Pullover hanand spadestns seit d 1960a-Joa a gsejschåftli åneakånnts Gwånd und håmb seithea nix ån eana Bliabtheid eibußt. Aa heidzdåg hanand fua åim Kapuznpullis mid Logos und Aufdrick oda aa Oversize-Pullis wejtweid fabroadt.
Beleg
Werkeln- ↑ Elmar Seebold: Kluge - Etymologisches Wörterbuch der deutschen Sprache. 24. Auflage. De Gruyter, Berlin 2002, ISBN 3-11-017473-1, S. 729.