Reibaknedl
Reibaknedl oda Eadäpfeknedl san Knedl, de wo aus rohn und/oda kochdn Eadäpfen gmochd wean. Reibaknedl weans gnennd, wei de Eadäpfen griem wean.
Se kenna mid rohn oda kochdn Eadäpfen gmochd wean. Ofd aa aus ana Mischung vo roh und kochd. Ba de tradizionejn Woidviadlaknedl beispuisweis mochd da Otei vo de rohn Eadäpfen bis za drei Viadl aus[1].
A Spezialitet vo da Boarischn Kuche san Eadäpfeknedl, de wo mid Zuagom gmischd san, wia Fleischknedl und Grammeknedl. In Östareich wean a siasse Eadäpfeknedl gmochd: Marünknedl und Zwetschgnknedl zan Beispui.
Literatua
Werkeln- Das Hofbräuhaus-Kochbuch. Valog Zabert Sandmann, Minga 2006. ISBN 978-3898831574