Religionslehra

Der Artikl is im Dialekt Westmittlboarisch gschriem worn.

Religionslehra untarichtn in Deitschland o oijgmoanbuijdandn Schuijn unn Brufsschuijn as Foch Religion bislong ausschließli unta da Moßgomn vo kristlicha (drennt noch evangelischa unn römisch-katholischa Konfession), jüdischa oda neiadings aa orthodoxa sowia muslimischa Glamnsvoastellunga. Glegentli gibts projekthofte ökumenische Kooperationan zwischn evangelische unn römisch-katholische RU-Untarichtande, de vo de zuaständign Kirchnbhöadn gnehmigt wean miassn.

Je noch Bundslond vaschiedn, san Religionslehra in Deitschland voawiengd stootliche Lehra mit Religionsfakultas, de

1. beide Staatsexamina homn,
2. sofeans Beomte san, auf de Vafossung vaeidigt san unn
3. iaba de Zualossung (evang.: Vokation, kath.: missio canonica) vo da jeweijign Religionsgmoaschoft vafiang.

Donemn setzt da Stoot aa Beauftrogte vo de jeweijign Religionsgmoaschoftn ei, wia z. B. fia de christlichn Religionsgmoaschoftn Katechetn, Religionspädagong unn (Schuij-)Pfarrer, de an de entsprechnd kirchlichn Institut unn (Foch-)Hochschuijn in Olehnung o das stootliche Lehrastudium, jedo ohne de offizijejn 'stootliche Oeakennung ausbuijdt woan san.

De jeweijige Glamnsgmoaschoft ko Zualassunga wia de Vokation oda de Missio aa wieda entziang. Religionslehra kinnan se zuadem aus Gwissnsgründn jedazeit zruckgemn. Im Iabrign ko koa Lehra laut GG geng sein Wuijn zum Religionsuntaricht vapflicht wean.

Sofean gniangd stootliche Religionslehra on a Schuij voahondn, buijdn se doat aa noch da jeweijs vatretanan Glamnsrichtung Fochkonferenzn, gegemnfoijs aa stuijschweingd duijdt konfessionsiabagreifnd. Ansunstn findn se a Äquivalent fiar an reglmäßign fochlichen Austausch z. B. in de jeweijign Konvent fia Katechetn unn Religionspädagong vo de entsprechnd konfessionelln Londeskirchn.

Weij da Religionsuntaricht in da Vaontwoatung vo da jeweijign Glamnsgmoaschoft duachgfiat wead, homn de Religionsgmoaschoftn as Recht, iam Religionsuntaricht beizwohnan unn zu iabapriafn, ob da Religionslehra aa in Iabaeistimmung mit de Grunsätz vo da Glamnsgmoaschoft untaricht. Fia de christlichn Kirchn homn Schuijdekan de Fochaufsicht iaba de stootlichn Lehra unn bei de kirchli bstoijtn Lehra nemn da Foch- aa no de Dienstaufsicht.

Im Netz

• Verband Katholischer Religionslehrer/innen und Gemeindereferenten/innen im Kirchendienst e.V.
• Bundesverband der katholischen Religionslehrer und -lehrerinnen an Gymnasien e.V
• Verband katholischer Religionslehrerinnen und Religionslehrer an Berufsbildenden Schulen e.V.
• Fachverband Evangelischer Religionslehrerinnen und Religionslehrer