RetroShare

RetroShare
Serverloses Kommunikations-Programm
Basisdatn
Entwickla:	RetroShare-Team
Aktuelle Version	0.6.7 (30. Nóvémber 2023)
Betriebssystem:	Linux, Mac OS X, Windows
Programmiersproch	C und C++
Kategorie:	Chat, Instant Messenger, Newsgroups, Peer-to-Peer, Darknet
Lizenz	GNU GPL (Freie Software)
Deitsch:	jo
Netzseitn:	retroshare.sourceforge.net/index_de.html

RetroShare is freie, plottfoamunobhängige Software, mid der ma verschlisselt und ohne Server mid Fraind chattn und Datein dauschn konn. Fraind wean mid RSA-Schlisseln zuverlässig ois vertraut identifiziert und authentifiziert. Des hoist ma verbindt sie nur mid Fraind dene ma vertraut. Dabei is RetroShare koi strikts Darknet-Programm, weil ma a mid Fraind vo Fraind tauschn konn, wenn ma de Funktion ned ausschoit.

Eigenschaftn

Authentifizierung und Verbindung

Beim easchtn Start wead a GPG-Schlissl gmacht, den ma mid seine Fraind austauscht und gegensaitig beglaubigt. Dea Schlüssel is dafia do, dass ma sie wirklich nur mid Fraind verbindt und ned mid irgendwejche andern Laid.

De Netzwerkverbindung zwischen de Fraind is dabei verschlisselt (mid OpenSSL) und serverlos. Damid a direkte Verbindung zu de Fraind aufbaud wean ko, bringt RetroShare DHT und UPnP mid.

Dateitransfer

Fraind vo Fraind kinnan sie ned direkt midanander verbindn. Sie kinnan jedoch auf de Freigabn vo de andern anonym zuagraifa, wenn des vo dem andern aktiviat woan is. As Suacha, Hoch- und Runterlon passiert dann über den gemeinsama Fraind (per „Routing“). Des hoaßt der, der wo hochlot sight ned wer runterlot und andersrum a ned, weil beide nur mid dem gemeinsama Fraind kommuniziern. Des ganze funktioniat a über mehrere Fraind hinweg.

Kommunikation

Mit RetroShare ko ma mid Fraind chatten, Nachrichtn an Fraind schreim, über verschlisselte Foren anonym mid andere RetroShare Nutzer diskutieren und mid Kanäle aktuelle Datein zu am Thema verteiln (z. B. an aktuelln Speiseplan). Es gibt a an Gruppnchat mid dem ma mid olle verbundna Fraind chattn konn. De serverlose Kommunikationsplattform ko a fia andere Dienste hergnumma wean, z. B. Voicemail, Videochat und VoIP (in Arbeit).

Im Netz

• RetroShare – offizielle Webseitn
• Instant-Messenger für den Freundeskreis – Artikl bei heise online, vom 24. März 2007
• Retroshare: Kommunikation und Dateitransfer mittels GnuPG – Artikl bei Golem.de, vom 21. März 2011