Rinchnacha Ohe

De Rinchnacha Ohe is a 13 Kilometa langa Nebnfluss vom Schwarzn Reng. Sie entsteaht durch de Vaeinigung vom Hackeboich und Kühboich bei da Furthmui in da Gmoa Kiaberg im Woid und fliasst iba Rinchnach in den Rengna See, a kinstlicha Stausee in da Näh vo da Stod Reng.

Eakologische Bedeitung

De Rinchnacher Ohe is a wichtiga Bestandteil des FFH-Gebiets "Obalauf des Rengs und Nebnbäch". Durch de relative Naturbelassnheit vo dem Fluss und seina Umgebung kemman do vui gefärdete Viechortn vor, z.B: Biba, Fischotta, Äsche, Boichforelln, Groppe, Schneida, Elritzn, Flussperlmuschl, Stoakrebs und Edlkrebs.

Nutzunga

Energieerzeugung

Des Gwässa werd zur Energieerzeugung durch vier Kloawasserkraftwerk gnutzt. Weitare Kloawasserkraftwerk san in de Quej- und Nebnbäch.

Fischarei

Durch des guade Fischvorkomma is de Rinchnacher OHe bei Anglern beliabt. Hauptsächlich werd auf Boichforelln und Äschn mit Kunstkedern, wie z. B. Wobbla oder Blinka, gfischt. Teilweis bietet des Gwässa aa gnügnd Plotz fua des Fliangfischn. Eingtüma des Fischareirechts is da Freistoot Baiern, welcha des Recht an den "Fischereivarein Zwiesl und Umgebung e.V." vapacht hot. Für an Teil vo da Rinchnacher Ohe wern Erlaubnisschein an Nedmitgliada vom Varein ausgstejt.

Perlfischarei

In friahrara Zeit war de Rinchnacher Ohe a bedeitnda Flus fia de Perlfischarei, oiso de Gewinnung vo Perln aus da Flussperlmuschl. Eigntüma vom Perlfischareirecht is da Freistoot Baiern, welcha des Recht an oan vo de letztn Perlfischa verpacht hot, durch de Sejtnheit vo dera Muschl is de Nutzung aba bedeitungslos worn.