Des Schliaßfach ähnelt am Safe, dea wertvoie Dinge wia Edelmetoie (Barrn oda Münzn), Bargejd, Familienschmuck oda wichtige Dokumantn und Urkundn voa am Zuagriff Fremda oda hera Gewoid, wia Einbrecha, Feia oda Flut, schützt. Schliaßfächa befindn si in Bankn, aba aa häufig in Oakafszentrn, Schuin, öffentlichn Vaanstoidungsstätdn, Bauhnhef und Flughäfa. Do fungiern sie ois Gepäckschliaßfächa und deann habtsächlich zua Aafbewahrung vo Gepäck, Reiseitensilian und Garderobe. Des Nutzn vo Schliaßfächern bedarf in jedem Foi oana Nutzungsgebühr (Miete), de da Mieta des Schliaßfachs je noch individuella Art und Daua fia de Schliaßfach-Nutzung bezoit.[1]

BankschliaßfachBearbeiten

Oane vo vuin Möglichkeitn, Gegenstände und Dokumantn sicha zua vawahrn, is de Omietung eins Bankschliaßfachs. De Nutzung setzt oan Mietvatrog zwischn Bank und Kunde oda aa Ned-Kunde (ned jede Bank vamietet Schliaßfächa) voraus. Da noamale Vasicherungsschuadz is unterschiedlich houch. De meisdn Bankn biedn gegn Aufpreis a Schliaßfach-Zuasatzvasicherung an. De Oigemeina Gschäftsbedingunga (AGB) des jeweilign Instituts gebn konkredn Aufschluss. Bestäd koa Vasicherung üba de Bank, konn des Bankschliaßfach aa üba de Heislratvasicherung vasichert wern. De zoit aba im Noamalfoi grod 10% da Vasicherungssumme (Maximalbetrog an Entschädigungsleistunga).

SchadensfoiBearbeiten

Dritt a Schadensfoi a, mua da Mieta den Wert des Inhoids nochweisn. Des gilt fia de Vasicherung üba de Bank, ois aa fia de Heislratvasicherung. Ratsam is a oiwei auf den neiesdn Stand gebrachte Inventarliste, de duach Fotos und Kaufbelege komplettiad werd. Im Foie vo geerbtem Schmuck heifd fachliche Guadachdn (Juweliar) weida. Obwohl a baar Bankn Bargejd generell vom Vasicherungsschuadz ausschliaßn, is des Fotografiern da Banknodn mid Seriennummern zua empfehln

ZugangBearbeiten

Da Obschluss des Mietvatrogs bedarf oana Legitimadion duach oan Personalausweis, ähnlich wia bei oana Kontoeröffnung. Danoch eahält da Mieta bzw. a vo eahm Bevoimächtigta (mua persönlich owesend sei) unta Nutzung seis Schlüssels (Cods) Zuagang zum Schliaßfach. Moderne Schliaßfachanlogn san 24 Stund am Dog fia den Mieta nutzbar, unobhängig vo Bankmitarbadern und Dresoaschliaßzeidn. Sucht da Mieta sei Schliaßfach auf, werd 's duach automadisierte Förderanlogn in oan gsicherdn Ausgobraum dranspoatiad. Während da Mieta sei Schliaßfach öffnet, bleibt da Zuagang zum Dresoaraum fia andere Kundn vasperrt. Vom Inhoid des Schliaßfachs eahält de Bank koa Kenntnis.

A oonyme Omietung eins Bankschliaßfachs is noch Parograph 154[2] da deitschn Obgoboadnung ned möglich. Noch Oblebn eins Mieters is de Bank vapflichtet, des Finanzamt (örtliche Behörde da Finanzvawoidung) vo da Existenz des Bankschliaßfachs zua infoamiern (EabStG § 33; Eabschoftssdeia- und Schenkungssteiagesetz).

KündiguangBearbeiten

Werd a Schliaßfach ned oadnungsgemäß vom Mieta geräumt - sei 's noch Kündigung oda bei Mietruggstand -, hod de Bank des Recht in Gegenwart eins Zeign des Schliaßfach zua öffna. Bei Mietruggstand hod da Vamieta a sog. „gsetzlichs Pfandrecht“ an den eingebrachdn Sachn des Mieters.

Des „Vamieterpfandrecht“ betrifft grod bewegliche Sachn zua Owendung, ned aba „Oaderpapiere“ (Wertpapiere, de übatrogn wern könna), und aa koa „Rektapapiere“ (Wertpapiere mid vabriaftem Ospruch auf Übatrogung) § 562 und § 578 Biagalichs Gsetzbuach (BGB).

GressnBearbeiten

Bankn biedn in da Regl vaschiedn grouse Schliaßfächa an. Fia Bankn ogemietete Schliaßfächa gilt a jährliche Miet-Vorauszoiung. De richtet si noch da Gress/Voluma des Schliaßfachs. A Schliaßfach mittlera Gress mid ca. 4 Lidda Fassungsvameng (30 cm x 25 cm x 5 cm) liagt je noch Bank zwischn 40 Euro und 364 Euro[3]. Weidere Schliaßfach-Gressn san u. a. 50 Lidda, 60 Lidda, 144 Lidda oder Sondergressn wie 7, 12 un 37 Lidda mead kuazn Miatn[4].

Musi-SchliaßfachBearbeiten

In am Musi-Schliaßfach, oana sog. "Datenwoikn fia Musisicherung" eins Online-Deansts, könna Audio-Datein vom Nutza houchgelon wern, um sie schbada online nutzn zua könna. Drotz niedrigem "Miatpreis" da Endgräte is da Zuagriff auf a grouse Musiauswoi garantiad. Bekannte Musi-Schliaßfächa biedn Google Music, Amazon Cloud Drive und iTunes Match des Unternehmens Äppl an.

BelegBearbeiten

  1. Archivierte Kopie. Archiviert vom Original [1] am 5. Feba 2020; abgerufen am 5. Februar 2020.
  2. Archivierte Kopie. Archiviert vom Original [2] am 5. Feba 2020; abgerufen am 5. Februar 2020.
  3. https://www.test.de/Schliessfaecher-im-Test-4264499-0/
  4. https://www.hauptstadt-tresor.de