Schmetterlingsbuntbarsch

Der Artikl is im Dialekt Pongaurisch gschriem worn.

Da Siidamerikanische Schmetterlingsbuntbarsch aa Schmetterlings-Zwergbuntbarsch/schrotz oder aa oafoch nur Ramirezi gnonnt (wissnschoftlich Mikrogeophagus ramirezi, syn. Microgeophagus ramirezi, Papiliochromis ramirezi, Apistogramma ramirezi, Pseudogeophagus ramirezi, Pseudoapistogramma ramirezi) is a Siasswosserfisch aus da Ordnung vo de Schrotznoarting (Perciformes). Nem de aus Siidamerika stommatn Ortn vo da Gottung Mikrogeophagus trogt aa da Afrikanische Schmetterlingsbuntbarsch (Anomalochromis thomasi) den Trivialnomen „Schmetterlingsbuntbarsch“.

Siidamerikanischer Schmetterlingsbuntbarsch

Schmetterlingsbuntbarsch (Mikrogeophagus ramirezi) — Schmetterlingsbuntbarsch
*(Mikrogeophagus ramirezi)*

Systematik

Iwerordnung:	Stocheflosser (Acanthopterygii)
Ordnung:	Barschortige (Perciformes)
Unterordnung:	Lippfischortige (Labroidei)
Familie:	Buntbarsche (Cichlidae)
Gottung:	Mikrogeophagus
Oart:	Siidamerikanischer Schmetterlingsbuntbarsch

Wissnschoftlicher Nom

Mikrogeophagus ramirezi

(Myers & Harry, 1948)

Vabraitung

De mear ois vawiarnde und oiwai no nid restlos befridigend aufklärte wissnschoftliche Nomensgewung grindt auf Irrtimer iwer de Vabraitung vo dera Zwergbuntbarschort. De Erschtbeschreiwer homd de Typusexemplare in d' Savannen vo Venezuela zwischn da Stod Palenque und am Rio Meta gfonga. Wia da Lüling 1966 aus'm Mamorè-System in Bolivien Fisch midbrocht hod, de da Meinken (dozmois da Loater vo da Fischbestimmungsstöi vom Verband Deutscher Vereine für Aquarien- und Terrarienkunde (VDA) ois Mikrogeophagus ramirezi bestimmt hod, is da Straid iwers totsächliche Vabraitungsgebit entstondn. Zwoa Joar spader hod da Fischer de Oart aa no in Venezuela, im Aizug vom Rio Guárico gfundn. Erscht da kullander hod waiderne 13 Joar spader a Klorhait schoffm kenna: Lülings Fisch hom zua da Schwesterort Microgeophagus altispinosus, de beraits 1911 vom Hasemann beschrim worn is ghert.

Haid stet vüifoch belegt fest: Microgeophagus ramirezi lebt im Gebit vom untern und mittlern Orinoco und de ondern Gwässer vo da Llanos in Venezuela und Kolumbien. Seine naggstn Vawondtn sand da Bolivianische Schmetterlingsbuntbarsch, Microgeophagus altospinosus (Hasemann, 1912), und a no nid beschriwane Ort.

Aquaristik

Siidamerikanische Schmetterlingsbuntbarscher wernd söitn bis fimbf Zentimeter long. Wai de Ort Poarbüidend und territorial is, soidatn oiwai oa Mannderl und oa Waiwerl im Aquarium pflegt wern. De Gschlechter sand guad zan unterschain:

Bai d' Manderl is da zwoate Flossnstroi vo da Ricknflossn länger.
Bai d' Waiwerl is da zwoate Flossnstroi vo da Dorsaln kirzer ois wia bai d' Manderl, si sand insgsomt a bisserl kloaner und homd an rätlichn bis violettn Bauch.
Kurz vur'm olaichn is as Waiwerl ausserdem an ner kurzn Legerärn deitlich z' dakenna. De Ort is a Offmbriater, de Oar wernd auf Stoaner oder in Gruam in Stickzoin zwischn 150 bis 200 ogleg.

De Zucht vom Siidamerikanischn Schmetterlingsbuntbarsch is schwiarig. Da Erfoig is vo da Ernärung und d' Wossawerte (woaches, laicht seiers Wossa) ohängig. Im Zoofochhondl sand oft Tiare aus d' Grosszichtarain vo Sidostasien zan dahoidn, bai de wichtige Elemente vom Fortpflonzungsvooitn valurn gonga sand. Aa de haifig zan dahoitatn „Jubo-Ramirezi“ sand neamer zur Furtpflonzung fähig.

Da Siidamerikanische Schmetterlingsbuntbarsch entwicket se bai qualitativer guader und obweggslungsraicher Noarung richtig. Nem Frostfuader (Artemia, schworze, rode und waisse Micknlarvn) is a Lewendfuader (Wossafläh, Cyclops, Salinenrebsnauplien, Micknlarvn) a Vuraussetzung fir d' erfoigraiche Pflege und Vamerung.

Literatua

Koslowski, I. (2002): Die Buntbarsche Amerikas Band 2: Apistogramma & Co. Verlag Eugen Ulmer, Stuttgart.
Linke, H., W. Staeck (2001): Amerikanische Cichliden I: Kleine Buntbarsche. Siebte Auflage, Tetra Verlag, Melle.
Kullander, S. O. (1981): The Bolivian ram: a zoogeographical problem and its taxonomic solution. DCG-Informn. 12 (4): 61-79.
Kullander, S. O., in Reis et al. 2003:639 [ref. 27061]). = Mikrogeophagus ramirezi (Myers & Harry 1948). Cichlidae. Distribution: Orinoco R. basin: Colombia and Venezuela. Habitat: freshwater.

Im Netz

Commons: Schmetterlingsbuntbarsch – Oibum mit Buidl, Videos und Audiodateien