Schrout
| Der Artikl is im Dialekt Donaugegend gschriem worn. |
Da Schrout is a Balkon, dea ums Bauanhaus ummelaofft.
Ea is a saubarne Zimmamannsoabat und alloa(n) scho di Spritzlen, aeso di senkrechtn Stäb vom Glanda, san a Kunstwerk füa si selm. Si san dort, wo ma ebbs auf sich ghaltn had, ned ausm Bred aussagsaaglt, sundan draxlt. Si habm ganz untaschiedliche Formen, oftesmoe sieht ma eana a(n, das s am barockn Treppnglanda oda am Speisgitta in da Kiach abgschaut hand.
Wae haetztags da Balkon ans Haus drabetoniat und nimma wia da Schroud üwa de vüastehadn Saet- und Fuaßbodnbalkn aufbaut wead, drum kimmt aa s Wort allmähli a[b. Mitm hölzan Bauanhaus is aa da Schroud und sae(n Nam scho(n] fast a Sach füa s Heimatmuseum wordn.
Da Schmeller hat des Wort, da Zehetner bringt s in Bairisches Deutsch und aa im Grimm stehts[1]. Beim Schmeller wie im Grimm findt ma weidane interessante Angabm üwa die sunstige Bedaetung vom Substantiv Schrot und vom Verb 'schroten.