Schwednrod

Schwednrod (Falurod)
Zammasetzung
RBG (r, g, b)	(128, 24, 24)
Hexadezimal-Triplet	801818
CMYK (c, m, y, k)	(0%, 81%, 81%, 50%)
HSL (h, s, l)	(0°, 69%, 29%)

Schwednrod oda Falurod (schwedisch Falu rödfärg oda Faluröd) is da Nama vo ana charaktaristischn, dunklrotn Foarb fian Aussnbereich, wo vor oim vo de schwedischn Hoizhaisln hea bekonnt is. De Pigmentmischung hod ian Uasprung vo de Kupfaminen z Falun in Dalarna, Schwedn und is uaspringle ois Nemprodukt vom Kupfabeagbau (1992 z Falun stuiglegt) entstandn. De Foarb is bis zan heitign Dog sea populea, weis Hoiz effektiv vor Vawittarung schitzt.

Ferienhaisl (Stuga) im Schwednrod

Gschicht

Schwednrod is scho obm 16. Joarhundat vo reichn und ogsegnan Hausbesitzan in Schwedn fia eanare Hoizhaisln vawendd worn, wei dees de Foarb vo de hollendischn Ziaglfassadnhaisa wor, wo Woistand und Reichtum signalisiat ham. De Foarb hod si im 17. Joarhundat nacha stoark vabroadd, wei in Schwedn fost oi Haisln, ausgnumma z Stockhoim und Gotnburg, aus Hoiz baut san und de Pigmentmischung a guada Hoizschutz is.

Bstandtei

Ois Pigment san enthoidn: Eisnoxid mit Spuan vo Silikatn, Aluminium, Zink, Kupfa und Blei. Da Haptbstandtei is vawittads Kupfaeaz, wo ois Obraum ba da Kupfaeazgwinnung entsteht. Zwengan Bstandtei Eisnvitriol konserviat de Beschichtung Hoiz.

Galerie

• 
  Traditoneje Heastejung
• 
  Schwednhaisa
• 
  Schloss Spyker af da Insl Rügen
• 
  Pigmentweak z Falun
• 
  Falurod in am Gschäft z Stockholm

Im Netz

• Hoamseitn vom Produzentn Falurödfärg